Dolların məzənnəsinin artması fonunda Azərbaycanın kommersiya banklarında yenidən xarici valyuta qıtlığı yaranıb.
Turan-ın sorğusundan məlum olur ki, bankların əksəriyyəti valyuta satışını dayandırıb. Belə ki,
“Accessbank”, “Əmrahbank”, “Bank of Baku”, “Pashabank”, “Respublika”, “Kapital” və Beynəlxalq Bankda bildiriblər ki, valyuta satışı dayandırılıb.
“Dəmirbank” limit tətbiq edib – bir ələ ancaq 100 dollar və ya avro verilir. Yalnız “Atabank”da bildiriblər ki, xarici valyuta hər hansı məhdidiyyət olmadan satılır.
Qeyd edək ki, hələ oktyabrda ekspertlər proqnozlaşdırırdılar ki, ilin sonuna yaxın Amerika valyutasının məzənnəsi artacaq. Onlar qeyd edirlər ki, bu, tələbin təklifi üstələməsi ilə əlaqədardır.
Noyabrın 22-də valyuta hərracında dolların məzənnəsi 1,7146 manat səviyyəsində müəyyən edilib.
Lakin Azərbaycan Mərkəzi Bankının informasiya siyasətinin şəffaf olmaması səbəbindən valyuta hərracında tələb və təklif haqda məlumat əldə etmək mümkün deyil.
Ekspertlərin rəyinə görə, ölkədə dollara aylıq tələbat 1 mlrd. -1,5 mlrd. təşkil edir. Bazara dolları əsasən Dövlət Neft Fondu çıxarır. Fondun məlumatına görə, oktyabrda ARDNF hərraclarda 371 mln. dollar satıb.
Mərkəzi Bank da vaxtaşırı valyuta bazarına intervensiya edir və oktyabrda onun valyuta ehtiyatları 127 mln. dollar azalıb. Ekspertlər ilin sonunadək dolların məzənnəsinin 1,80-1,85 manatadək qalxacağını proqnozlaşdırırlar.
Valyuta qıtlığı fonunda “qara bazar” da canlanıb. Belə ki, valyuta alışı və satışı kommersiya banklarındakı məzənnədən xeyli yüksəkdir.–71B-
İqtisadiyyat
-
Elon Mask, ABŞ Dövlət İdarəetməsinin Effektivliyi Departamentinin (DOGE) həmsədri olaraq, 2026-cı ilə qədər federal xərclərin aqressiv şəkildə azaldılması yolu ilə ABŞ-da inflyasiyanı sıfıra endirmək üçün strategiya irəli sürüb. Maskı planı, proqnozlaşdırılan gündəlik xərcləri təxminən 4 milyard dollar azaltmağı hədəfləyir və 2026-cı ilə qədər federal büdcə kəsirini 1 trilyon dollara qədər endirməyi nəzərdə tutur. Kəsir hələ də böyük olsa da, Musk hesab edir ki, sürətləndirilmiş iqtisadi artım inflyasiya təzyiqlərini kompensasiya edərək iqtisadiyyatı sabitləşdirə bilər.
-
Azərbaycan Dövlət Neft Şirkəti (SOCAR) Aralıq dənizinin ən iri dəniz yataqlarından biri olan Tamar qaz yatağında 10% pay əldə etmək üçün Union Energy ilə müqavilə imzalayıb, şirkət çərşənbə günü bəyanatında bildirib.
-
Yanvarın 30-da Azərbaycan Prezidenti İlham Əliyev “Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025–2030-cu illər üçün Dövlət Proqramını” təsdiqləyən sərəncam imzalayıb. Bu proqram paytaxtın nəqliyyat sistemini modernləşdirməyi və tıxacları azaltmağı hədəfləyir, prezidentin mətbuat xidməti çərşənbə axşamı bildirib.
-
Goldman Sachs neft qiymətləri ilə bağlı proqnozlarını yenidən nəzərdən keçirib və 2025 və 2026-cı illər üçün Brent və Azeri Light markalı neftin qiymət proqnozlarını hər barel üçün 2 dollar artıraraq 78 dollar səviyyəsinə çatdırıb. Bu düzəliş, ABŞ sanksiyalarının Rusiyanın neft hasilatına təsiri və İran neft ixracına qarşı mümkün gələcək məhdudiyyətlər daxil olmaqla, geosiyasi risklərdən qaynaqlanan daha sərt təchizat şərtləri gözləntilərini əks etdirir.
Rəy yaz