Bələdiyyələr torpaq satışlarını davam etdirir

Azərbaycan bələdiyyələri 1999-cu ildə onların mülkiyyətinə verilən torpaqları satmaqda davam edir. Avqustun 17-ə ölkənin bir çox şəhər və rayonlarında keçiriləcək növbəti torpaq satışları təyin edilib. 

 Satışa 252 pay torpaq çıxarılıb, onlardan 153-ü Abşeron rayonunda yerləşir. Əvvəlki satışları təcrübəsi göstərir ki, nadir istisnalar olmaqla bu satışlar bu torpaqları uzun illər istifadə edənlərin ona hüququnun bir növ rəsmiləşdirilməsidir. Bunu həm də o faktla izah etmək olar ki, əksər halda torpaqlar satışa hərracla deyil, müsabiqə yolu ilə çıxarılır, torpaqların satış qiyməti isə bazar qiymətindən xeyli aşağıdır. 

 2009-cu ilin aprel ayından dövlət və bələdiyyə torpaqlarının satışına dair torpaq ticarətinin təşkilatçısı olan Torpaq və Xəritəçəkmə Dövlət Komitəsinin məlumatına əsasən, 24 torpaq payı hərrac yolu ilə təklif edilir. Bələdiyyələr əsasən kənd təsərrüfatı ehtiyacları üçün 22 torpaq sahəsinin icarəsini təklif edir. Fərdi tikintisi məqsədi ilə 156, o cümlədən Abşeron bələdiyyəsi tərəfindən129 torpaq payı təklif olunur.

 Əvvəlki kimi torpağın sotu əsasən 200-300 manata təklif olunur. Az-çox müsbət nümunələr də var. belə ki, Abşeron rayonunun Saray bələdiyyəsi sahibkarlıq və kənd təsərrüfatı məqsədləri üçün bir sotuna görə ilkin qiyməti 1600 manat (2,68 ha) və 655 manata (3,4 ha) iki iri torpaq payı təklif edir. Bakı və Gəncə şəhərlərində hazırda bələdiyyə torpaqlarının satışı ilə bağlı satışlar həyata keçirilmir. Bu Bakı və Gəncə bələdiyyələrinin mülkiyyətə sənədlərinin olmamağı ilə bağlıdır. 08B