Aktivlərin və öhdəliklərin inventarizasiyası yeni qaydalarla aparılacaq

Azərbaycanda aktivlərin və öhdəliklərin inventarizasiyasının yeni qaydaları qəbul olunub, bundan sonra onlar mühasibat uçotunun müasir standartlarına uyğun olacaq. köhnə qaydalar 2000-ci ilin iyul ayından qüvvədə idi. 

Maliyyə Nazirliyi bu ilin iyulun 16-da «Aktivlərin və öhdəliklərin inventarizasiya qaydaları»nı təsdiq edib. Sənəd bu günlərdə Ədliyyə Nazirliyi yanında normativ-Hüquqi Aktların Dövlət Reyestrinə daxil edilib və iyulun 24-dən qüvvəyə minib. 

Yeni qaydalara mülkiyyət formasından asılı olmayaraq bütün sahibkarlıq subyektləri riayət edəcək. 

Aktivlərin və öhdəliklərin inventarizasiyası satış, alış, icarə və əmlakın istifadəyə verildiyi, mühasibat uçotu subyektinin ləğvi, maddi-cavabdeh şəxsin dəyişməsi yaxud məzuniyyətə getməsi, digər vacib təxirə salınmaz hallarda vacibdir.

İnventarizasiya həmçinin təşkilatı-hüquqi formanın, həmçinin şirkətin torpaq sahəsini mülkiyyətçisinin dəyişməsi təqdirdə həyata keçirilir. inventarizasiya aktivləri və öhdəliklərin yenidən qiymətləndirilməsində də vacibdir. 

Bir neçə işçi qrupu tərkibli inventarizasiya komissiyası yaradıldıqda onlara nəzarət qrupları da yaradılır. İnventarizasiya zamanı komissiyasının bütün üzvləri iştirak etməlidir. 

Əsas vəsaitlərin və qeyri-maddi aktivlərin inventarizasiyası iki ildə bir dəfə, kitabxana fondunun inventarizasiyası – 5 ildə bir dəfə, digər aktivləri inventarizasiyası isə – ildə bir dəfə həyata keçirilir. Öhdəliklər ildə bir dəfədən az olmayaraq inventarizasiya edilir. İnventarizasiya müəssisənin rəhbərinin göstərişi ilə iyulun 1-dən gec olmayaraq keçirilir. 08D