BİNA: Dövlət idarəçiliyindən bələdiyyələrin rolu gücləndirilməlidir

“Bələdiyyələrin inkişafı naminə” QHT Alyansı (BİNA) bu gün «Azərbaycanda bələdiyyələr: real vəziyyət və islahat imkanları» mövzusunda mətbuat konfransı keçirib.

Tədbir iştirakçıları alyans ekspertlərinin bu gün dövlət idarəçiliyi sistemində rolu hiss olunmayan yerli idarəetmə orqanlarının yerlərdə real hakimiyyət strukturuna çevrilməsinə dair təkliflərini müzakirə edib.

Həmçinin bələdiyyələrin səlahiyyətlərinin əksəriyyətinin təkrarlandığı barədə də danışıldı. Belə ki, bələdiyyələrin 23 səlahiyyətindən yalnız ikisi istisnadır. Onların hamısı yerli icra hakimiyyətlərinə tapşırılıb. Üstəlik bələdiyyələrin maliyyə imkanları xeyli məhdudlaşdırılıb. 2012-ci ildə onların ümumi gəlirləri 35,8 mln manat təşkil edib, ümumi büdcədə payları isə 0,2 faizə bərabər olub. Dövlət büdcəsindən bələdiyyələrə dotasiya transfertləri ildə 5,2 mln manat təşkil edir.

Bələdiyyələrin inkişafı üçün alyans kənd yerlərində içməli suyun idarə edilməsini, məişət tullantılarının yığılması və nəqlinə dair səlahiyyətlərin onlara verilməsini, əmlak vergisinin hesablanması mexanizmini təkmilləşdirməyi, hüquqi şəxslərdən məlak vergisinin yığılmasını bələdiyyələrin üzərinə qoyulmasını, pay vergi sisteminin tətbiqini təmin etməyi təklif edir.

Azərbaycanda ilk bələdiyyə seçkiləri 1999-cu ildə keçirilib. 2010-cu ildə bələdiyyələrin effektivliyinin artırılması məqsədi ilə onların sayı 2757 özünüidarə etmə orqanından 1718 bələdiyyə strukturuna qədər azaldılıb. Ancaq bununla icra hakimiyyətinin möhkəm himayəsi altında olan bələdiyyələrin işində heç nə dəyişməyib. –15C-