Binəqədi İH müsabiqəsiz podratçı seçib

Binəqədi İcra Hakimiyyəti iki özəl şirkət ilə sökülən qəzalı binaların yerində çoxmərtəbəli binaların tikintisi üzrə müqavilə bağlayıb. Podratçı şirkətlərin seçilməsi metodu barədə məlumat verilmir (http://binegedi-ih.gov.az/news/1231.html).

Nazirlər Kabinetinin 22 yanvar 2016-cı il tarixli «Bakı şəhəri Binəqədi və Qaradağ rayonlarının sosial-iqtisadi inkişafının sürətləndirilməsinə dair əlavə tədbirlər barədə» qərarının (goo.gl/gfPZh7) icrası çərçivəsində Binəqədi rayonunda 49 çoxmənzilli və 166 fərdi ev sökülməlidir. “Relat House” və “Aztexno Komnpani” şirkətləri ilə iki müqavilə beş binanın yerində bir neçə çoxmərtəbəli binanın tikintisini nəzərdə tutur. Sökülmə və tikinti işləri davam edir.

Maraqlıdır ki, Binəqədi İH bu şirkətlərin necə seçilməsi barədə məlumat vermir.

«Şəffaflıq-Azərbaycan» İB-nin eksperti Elvin Yusifli Turan-a bildirib ki, qanunvericiliyə əsasən, belə hallarda xidmətin alınması üçün tender müsabiqəsi keçirilməlidir. «Rayon İH tender komissiyası təşkil etməli, o, iddiaçılara üçün şərtlər hazırlamalıdır. Bu halda sakinlərin maraqlarının təmin edilməsi üçün layihəyə minimal tələblər müəyyən edilməlidir», deyə ekspert bildirib.

Maraqlıdır ki, deyilən şirkətlərin (“Relat House” MMC və “Aztexno Konpani” MMC) heç birinin tikinti təcrübəsi yoxdur. 08B