![Bolqarıstanın qaz bazarının liberallaşması ARDNŞ üçün yaxşı perspektiv açır](https://turan.az/resized/media/2012/main/080600006904-750-500-resize.webp)
Bolqarıstanın qaz bazarının liberallaşması ARDNŞ üçün yaxşı perspektiv açır
Bolqarıstanın qaz bazarının gözlənilən liberallaşması Azərbaycan Dövlət Neft Şirkəti üçün yaxşı perspektiv açır.
Bolqarıstan hökuməti artıq qaz bazarının liberallaşması məsələsini gündəliyə çıxarıb və 2013-cü ilə kimi bu istiqamətdə real addımlar atacağı gözlənilir.
Qeyd edək ki, rəsmi Bakı və Sofiya 2009-cu ildən qaz sahəsində əməkdaşlıq üzrə danışıqlar aparır və memorandum imzalanıb. Ona əsasən, Bolqarıstan Azərbaycandan ildə 1 mln m3 qaz idxal etməyi planlaşdırır.
Bakı ilə Ankara arasında 2011-ci ilin oktyabrında qaz paket sazişi imzalanandan sonra Bolqarıstan tərəfi ARDNŞ ilə danışıqları aktivləşdirib.
Turan-ın məlumatına görə, ARDNŞ uzunmüddətli oyunçu kimi Bolqarıstanın daxili bazarında iştirak imkanına baxır. Bununla bağlı Bolqarıstan qaz qurumunun təmsilçiləri Bakıda olublar və ARDNŞ mütəxəssislərini ölkələrində qaz bazarı ilə tanış ediblər.
Bolqarıstanın iqtisadiyyat, energetika və turizm naziri Delyan Dobrev ötən həftə Ankaraya səfərdən sonra bəyan edib ki, "Türkiyə özəl şirkətləri Bolqarıstana qaz tədarükü ilə maraqlanırlar". Bolqarıstanın Novinite agentliyi bildirir ki, o, "Bolqarıstan bunda maraqlıdır, çünki qaz bazarının liberallaşması haqda qərar qəbul etmişik" deyib.
"Təkcə Türkiyə yox, Avropa şirkətlərini də Bolqarıstana qaz ixracı imkanına baxmağa çağırırıq", - deyə Dobrev bildirib.
Bolqarıstan 2011-ci ildə Rusiyadan 2,81 mlrd m3 qaz idxal edib. Hazırda Türkiyə ilə Bolqarıstan arasında 76 km uzunluğunda birləşdirici qaz kəməri tikintisi layihəsinə baxılır. O, işə düşəndən sonra Sofiya qaz idxalını şaxələndirə, Azərbaycan isə TANAP və “Şahdəniz”in "Mərhələ-2" layihəsini gözləmədən (hər ikisi 2018-ci ilin əvvəlinə planlaşdırılıb) , 2013-cü ildə Bolqarıstana qaz tədarükünə başlaya bilər. --12А—
-
- Cəmiyyət
- 6 Avqust 2012 03:55
-
- İqtisadiyyat
- 6 Avqust 2012 12:23
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz