"Bulla-dəniz" yatağında yanğın davam edir (YENİLƏNİB)

 Avqustun17-də saat 23:30-da Xəzərin Azərbaycan sektorunda “Bulla-dəniz” qaz-kondensat yatağlnda baş vermiş  yanğın davam edir. Dövlət Neft Şirkətindən Turan-a verilən “Qaz açıq şəkildə fontan vurub və yanğın baş verib”, - SOCAR-ın saytı bildirib. Saytın məlumatına görə, platformada olan işçilər evakuasiya edilib. “Hazırda platformanı əhatəyə alan yanğınsöndürən gəmilər vəziyyətə nəzarət edirlər. Quyu qapadıldıqdan sonra yanğının söndürülməsinə başlanılacaq”, - mənbə qeyd edib. Alışmanın səbəbləri məlum deyil.

Avqustun 19-da SOCAR-dakı mənbə bildirib ki, bu gün qurumun prezidenti Rövnəq Abdullayevin rəhbərliyi ilə iclas keçirilib. Qəzanın nəticələrinin aradan qaldırılması ilə bağlı tədbirlər qeyd olunub. Həmçinin bildirilib ki, yanğın zamanı xəsarət alan olmayıb. 

Lakin Neftçilərin Hüquqlarını Müdafiə Komitəsinin rəhbəri Mirvari Qəhrəmanlı bildirib ki, zərərçəkənlər var. Onların sayı gizlədilir və bu məqsədlə onlar özəl klinikalardan birində yerləşdirilib. M.Qəhrəmanlı hesab edir ki, yanğın Kompleks Qazma İşləri İdarəsinin günahı üzündən baş verib.  

“Bulla-dənuz” Bakının 80 km.-də açıq dənizdə yerləşir. -16B0-

2013 Avqust 18 (Bazar) 19:33:58

Avqustun17-də saat 23:30-da Xəzərin Azərbaycan sektorunda “Bulla-dəniz” qaz-kondensat yatağlnda yanğın baş verib. Dövlət Neft Şirkətindən Turan-a verilən məlumata görə, yanğın 29 saylı kəşfiyyat quyusunda 6 km. dərinlikdə qazma zamanı baş verib. “Qaz açıq şəkildə fontan vurub və yanğın baş verib”, - SOCAR-ın saytı bildirib.

Platformada olan işçilər evakuasiya edilib. “Hazırda platformanı əhatəyə alan yanğınsöndürən gəmilər vəziyyətə nəzarət edirlər. Quyu qapadıldıqdan sonra yanğının söndürülməsinə başlanılacaq”, - mənbə qeyd edib. Alışmanın səbəbləri məlum deyil.

“Bulla-dənuz” Bakının 80 km.-də açıq dənizdə yerləşir. -02D-