Bu il Azərbaycanda ümumi daxili məhsul 2015-ci illə müqayisədə 3% azalacaq, gələn il 1% artım olacaq. Bu barədə Beynəlxalq Valyuta Fondu «Dünya iqtisadiyyatının inkişaf perspektivləri» (World Economic Outlook) illik hesabatında bildirir.
Hesabata əsasən (http://www.imf.org/external/pubs/ft/weo/2016/01/pdf/text.pdf), bu il Gürcüstanda ÜDM 2,5%, Ermənistanda 1,9% artacaq.
Digər vacib makroiqtisadi göstəricidə də mənfi tendensiya gözlənilir. 2015-ci ildə tədiyə balansının müsbət saldosu ÜDM-in 0,2%-i qədər təşkil edib, 2016-cı ildə eyni səviyyədə mənfi saldo olacaq.
İqtisadiyyatın dirçəlişi 2017-ci ildə mümkündür (+1%).
İstehlak qiymətlərinin artımı 2017-ci ildə də davam edəcək. Bu il BVF inflyasiyanın 12,8%, 2017-ci ildə 9,5% artımını gözləyir.
2015-2017-ci illərdə Azərbaycanda işsizlik səviyyəsi dəyişməyəcək (6%). 08D
İqtisadiyyat
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
-
Azərbaycan və Tatarıstan enerji, maşınqayırma, neft-kimya, kənd təsərrüfatı və nəqliyyat sahələrində qarşılıqlı maraqlara əsaslanan ticarət və iqtisadi əməkdaşlığı gücləndirməkdə davam edir. İkitərəfli əlaqələr, rəsmi nümayəndə heyətlərinin müntəzəm səfərləri və beynəlxalq iqtisadi forumlarda iştirakı ilə dəstəklənən sabit inkişaf nümayiş etdirir.
Rəy yaz