SOCAR bir ildən sonra Heydər Əliyev adına NEZ-in modernləşdirilməsinə başlayacaq

SOCAR 2017-ci ildə Heydər Əliyev adına Bakı Neft Emalı Zavodunun modernləşdirilməsi layihəsi çərçivəsində tikinti işlərinə başlayacaq. SOCAR OGPC-nin baş direktorunun müavini Emil Alxaslı deyib.

"Lisenziar seçimi bir aya başa çatacaq. ilin sonunadək FEED layihəsinin hazırlanması başa çatacaq”, deyə o bildirib.

O həmçinin əlavə edib ki, 2019-cu ilin iyulunadək Avro-5 standartlı dizel yanacağının istehsalını təmin etmək məqsədilə bir sıra qurğular tikiləcək".

Kompleksə katalitik krekinq, atmosfer-vakuum qurğusu, LPG qurğusu və s daxil olacaq.

"2020-ci ilin mayınadək isə Avro-5 standartlı benzinin istehsalı üçün bir sıra qurğu və obyektlər tikiləcək. 2018-ci ilin iyulunadək yeni bitum qurğusu və ümumi zavod təsərrüfatı istismara veriləcək", - deyə o qeyd edib.

"Layihənin icrası 15-20 ildə ölkənin avtomobil benzininə tələbatını təmin etməyə imkan verəcək", - deyə o bildirib.

Modernləşmədən sonra BNEZ-də ildə 2,2 mln ton avtomobil benzini, 3 mln ton dizel, 1 mln ton kerosin istehsal olunacaq. Neft məhsullarının 37%-i dizel yanacağı, 25%-i avtomobil benzini, 13%-i kerosin, 25%-i başqa neft məhsulları olacaq.

* Modernləşmə SOCAR-a $1,25-1,3 mlrd-a başa gələcək. –12В--