BVF xəbərdarlıq edir

Beynəlxalq Valyuta Fondu 2013-14-cü illərdə Azərbaycanda neft hasilatının sabitləşəcəyinə və qeyri-neft sektorunun inkişafına inanır. 

Məlumata görə (http://www.imf.org/external/russian/pubs/ft/reo/mcd/2013/cca0513r.pdf), deyilən dövrdə cari əməliyyatlar hesabının saldosu azalacaq. 

İqtisadi perspektivlər əvvəlki tək dünyada inkişafın azalması, ölkədə siyasi qeyri-müəyyənlik və geosiyasi risklərlə bağlı artım göstəriciləri azalacaq. Bu risklər həyata keçsə, ixracın azalması, miqrantların pul köçürmələrinin və xarici investisiyaların azalması baş verəcək, - deyə Fond bildirir. 

Azərbaycanın müvafiq orqanlarına təklif edilir ki, neft gəlirlərinə uymasın, real sektorun inkişafı hesabına vergi-büdcə siyasətinin ehtiyatlarını bərpa etsin.. Bu yaxınlarda dünyada ərzağın bahalanması inflyasiyaya təkan verə bilər, çünki istehlak səbətində ərzağın payı yüksəkdir. Pul-kredit siyasəti liberallaşdırılmalıdır. Mübadilə məzənnəsinin çevikliyi xarici sarsıntıların təsirini aradan qaldıra bilər.  Daxili maliyyə bazarının inkişafı dollarlaşmanı azalda, pul-kredit siyasətinin səmərəsini artıra bilər. 

Yaxın vaxtlar üçün əsas vəzifə real iş yerlərinin yaradılması, yüksək inkişafa yardım etməkdir. Kommersiya fəaliyyəti üçün şərait yaradılmasındakı uğurlar müvəqqətidir, bu istiqamətdə işlər davam etməlidir. İqtisadiyyatı şaxələndirmək, infrastrukturu inkişaf etdirmək, iqtisadiyyatda dövlətin rolunu azaltmaq, şəffaflığı yüksəltmək lazımdır. Regional ticarətdə maneələrin azaldılması da inkişafa kömək edə bilər. Maliyyə sektorunda islahatlar rəqabətin artırılmasına və maliyyəyə çıxışın yaxşılaşdırılmasına yönəldilməlidir. Daxili kapital bazarının həcmi artırılmalı, kreditorların hüquqları möhkəmləndirilməlidir. 

BVF-nin Azərbaycan üçün cari və gələn il üzrə proqnozu belədir: ÜDM artımı 4,1 və 5,8% inflyasiya 3,4 və 6,7%, dövlət büdcəsinin kəsiri 2,7 və 4,3%, cari əməliyyatlar hesabının saldosu 10,6 və 6%. 

Azərbaycan BVF ilə 1992-ci ildən əməkdaşlıq edir. Bu dövrdə hökumət $577,3 mln kredit cəlb edib. Kreditlər üzrə borclar ilin əvvəli üçün $15 mln olub. --17D—