- İqtisadiyyat
- 4 İyun 2013, 19:16
- 96
CDC ilə Keppel FELS arasında yarımdalma qazma qurğusunun tikintisinə dair müqavilə imzalandı
“Сaspian Drilinп Сompanу Ltd.” və “Keppel Offshore & Marine Ltd.” (Keppel FELS) şirkətləri arasında Xəzər dənizində 6-cı nəsil yarımdalma qazma qurğusunun tikintisi üzrə anlaşma əldə edilib. Bu barədə SOCAR-ın mətbuat xidməti məlumat verib.
İyunun 4-də 20-ci Beynəlxalq Xəzər Neft və Qaz, Neftayırma və Neft Kimyası sərgisi çərçivəsində tərəflər arasında sənədlərin imzalanması mərasimi keçirilib. Anlaşma çərçivəsində “Caspian Driling Company Ltd.” şirkəti ilə qurğunun dizayn və mühəndislik işləri üçün “Keppel Offshore & Marine Ltd.”nin 100 faiz törəmə müəssisəsi olan “Caspian Rigbuilders B.V” şirkəti arasında, qurğunun tikintisinin həyata keçirilməsi üçün isə “Caspian Shipyards Company Ltd.” şirkəti arasında müqavilə imzalanmışdır.
Mərasimdə bildirilib ki, dənizin 1000 metrədək dərinliklərində qazma işləri aparmaq qabiliyyətinə malik qurğu 12192 (on iki min yüz doxsan iki) metrlik qazma gedişi həyata keçirə biləcək. Qurğu dənizin 800 metr dərinliyinə kimi əlavə dəstək olmadan qazma işləri aparmaq gücünə malik olacaqdır.
Bundan əlavə, qurğunun suya dalma hissəsi 7 metrdən az olacaqdır ki, bu da onun sahilə yaxınlaşması məsələsinin problemsiz həyata keçirilməsini təmin edəcəkdir. Üzən qazma qurğusunda 160 nəfərlik heyətin sərbəst və təhlükəsiz işləməsi üçün bütün lazımi şəraitin yaradılması nəzərdə tutulur.
Qurğu həmçinin, Xəzər dənizinin ekologiyasının çirklənmə ehtimalına qarşı dünya standartlarına uyğun bütün qabaqlayıcı avadanlıqlarla təmin ediləcəkdir. Qurğunun tikintisinin 41 ay ərzində başa çatdırılacağı və 2016-cı ilin 4-cü rübündə təhvil veriləcəyi nəzərdə tutulur.
Qurğunun qiyməti 1 milyard dollardan bir qədər artıq olacaq vergilər də nəzərə alınmaqla.
-
- Siyasət
- 4 İyun 2013 19:12
-
- Söz istəyirəm
- 4 İyun 2013 19:32
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz