Bakı/13.09.17/Turan: "Colgate-Palmolive Temizlik Ürünleri Sanayi ve Ticaret A.Ş" şirkətinin (Türkiyə) nümayəndəliyi sentyabrın 13-də Azərbaycanda ofisinin bağlandığını elan edib. Şirkət Bakıda 1996-cı ildən fəaliyyət göstərirdi.
Şirkətdə bunun səbəbini açıqlamırlar. Ancaq şəxsi gigiyena vasitələrinin istehsalı və satışı üzrə dünya şöhrətli şirkətin Azərbaycanı tamamilə tərk etdiyini söyləməyə də hələlik əsas yoxdur.
Son illər Bakıda Colgate-Palmolive ASC-nin nümayəndəliyi fəaliyyət göstərir.
Standartlaşdırma, Metrologiya və Patent üzrə Dövlət Komitəsinin məlumatlına görə, Azərbaycanda Colgate ticarət markası altında malların idxalı və daşınması ilə 2004-cü ildən fəaliyyət göstərən Mazarina şirkəti məşğul olur.
Bu gün BƏƏ-nin Globalink Logistics Group Limited şirkəti də 2010-cu ilin dekabrında açılmış Azərbaycan nümayəndələyinin bağlandığını bəyan edib. Bu nəqliyyat şirkətinin 32-dən çox ölkədə, o cümlədən Gürcüstan, Qazaxıstan, Ermənistan və s. nümayəndəlikləri var. 08D
İqtisadiyyat
-
Azərbaycan ilk dəmir yolu yük daşımalarını Bakından Çinə göndərərək Orta Dəhliz boyunca mühüm bir nəqliyyat mərkəzi olmaq hədəfində əhəmiyyətli bir mərhələyə çatdı. "Azərbaycan Dəmir Yolları" QSC (ADY) bazar günü "Bakı-Sian" marşrutu üzrə ilk ixrac blok qatarının 62 ədəd 40 futluq konteynerdən ibarət olduğunu və yola düşdüyünü təsdiqlədi.
-
Nazirlər Kabineti ölkənin iqtisadi inkişafını ortamüddətli dövr üçün istiqamətləndirəcək sektor üzrə strateji planların hazırlanmasına dair ətraflı çərçivəni təsdiq edib.
-
Azərbaycanın ADY Express şirkəti, "Azərbaycan Dəmir Yolları" QSC-nin törəmə müəssisəsi, Türkiyənin İstanbul şəhərində keçirilən Logitrans Türkiye 2024 sərgisi çərçivəsində Orta Dəhliz boyunca yükdaşıma xidmətlərinin genişləndirilməsi öhdəliyini təsdiqləyən bir sıra strateji sazişlər imzalayıb.
-
Azərbaycan qarşıdakı 4-5 il ərzində ümumi gücü 350 MVt olan ən müasir yaşıl enerji saxlama obyektləri yaratmağı planlaşdırır. Bu barədə Turan-a məlumatlı mənbə Energetika Nazirliyindən bildirib.
Rəy yaz