Bakı/13.09.17Turan: Bu ilin birinci yarısında mehmanxanalar və mehmanxana tipli digər obyektlər 136,6 milyon manat gəlir əldə ediblər ki, bu da ötən ilin eyni dövrü ilə müqayisədə 37,8 faiz çoxdur. Dövlət Statistika Komitəsinin məlumatına görə, yerlşdirilən şəxslərin hesabına artım 42,9% təşkil edib.
Yanvar-iyun aylarında mehmanxanalarda 602 min adam yerləşdirilib ki, bunun 68,4%-ni əcnəbilər təşkil edib. Gecələmələrin sayı 1 mln. 81 min adam-gecə olub ki, bu da ötən ilin analoji dövründən 52% çoxdur.
Gecələmələrin 58,2%-i Bakının, 9,3% Qəbələ, 5,8% Qusarın payına düşüb.
İlk 6 ayda otellərin saxlanması üçün xərclər 105,2 mln. manat olub. Beləliklə, ilin birinci yarısında otellərin balans mənfəəti 31,4 mln.manat olub.
Bu il iyulun əvvəli üçün Azərbaycan otellərində 10 minə yaxın adam çalışıb ki, bu da ötən ilin müfaviq dövrü ilə müqayisədə 12% çoxdur. Sözügedən müddətdə mehmanxana işçilərinin orta aylıq əməkhaqqı 11% artaraq 580 manat olub. --08D--
İqtisadiyyat
-
2024-cü ildə Azərbaycanın əmək bazarı qarışıq bir mənzərə yaradır: işsizlik səviyyəsində cüzi azalma ilə yanaşı, gənclərin məşğulluğunun təmin edilməsində artan çətinliklər mövcuddur. Məşğulluğun formallaşdırılması və iş yerlərinin yaradılmasında mühüm irəliləyişlərə baxmayaraq, işçi qüvvəsinin artımı ilə mövcud iş yerləri arasındakı uyğunsuzluq ciddi bir problem olaraq qalır.
-
SOCAR Türkiyə Türkiyənin ən böyük xarici investoru, İstanbulda 2024-cü il fəaliyyət nəticələrini nəzərdən keçirmək üçün mətbuat konfransı təşkil edib. Tədbirdə SOCAR Türkiyənin baş icraçı direktoru Elçin İbadov və Şirkətin Emal və Neft-Kimya Biznes Vahidi rəhbəri Kənan Mirzəyev çıxış edərək nəticələr barədə fikirlərini bölüşüblər. Tədbirdə Azərbaycanın media nümayəndələri də iştirak ediblər.
-
Azərbaycanın enerji sektoru ölkə iqtisadiyyatının təməl daşı olaraq qalır və dövlət gəlirlərinin təxminən yarısını təmin edir. Bu, əsasən neftin yüksək qiymətləri ilə dəstəklənir. Neft hasilatında tədricən azalma müşahidə olunsa da, azalma tempi zəifləyib ki, bu da ölkənin karbohidrogen ehtiyatlarının idarə edilməsində sabitləşdirici yanaşmanı əks etdirir.
-
2024-cü ildə Azərbaycan inflyasiya təzyiqləri, davamlı devalvasiya qorxuları və məhdud struktur islahatları ilə xarakterizə olunan çətin iqtisadi dövürdən keçdi. Rəsmi məlumatlar mülayim inflyasiyaya işarə etsə də, dərin iqtisadi zəifliklər və artan ictimai narazılıq ölkənin maliyyə sabitliyinə kölgə saldı, iqtisadçı Qubad İbadoğlu qeyd etdi.
Rəy yaz