![Daşınmaz əmlakın qeydiyyatı reyestrindən çıxarış verilməsi müddəti azaldılıb](https://turan.az/resized/media/2013/main/042200035617-750-500-resize.webp)
Daşınmaz əmlakın qeydiyyatı reyestrindən çıxarış verilməsi müddəti azaldılıb
Əmlak Məsələləri Dövlət Komitəsi əmlaklara dair bir sıra sənədlərin baxılması müddətini azaldıb. Ekspertlər bu addımın mülkiyyətçilərlə münasibətlərin asanlaşdırılması ilə yanaşı, «ASAN Xidmət» Mərkəzinin yaradılması ilə bağlayırlar.
ƏMDK mətbuat xidmətinin məlumatına görə, artıq ərazi qeydiyyat idarələrində əmlaklara dair arayışlar 1 gün ərzində, təkrar bazardan keçmiş əmlaklara dair reyestrdən çıxarışlar isə 7 gündən gec olmayaraq təqdim edilir. Qanunvericilikdə bu sənədlərin verilməsi üçün 5 və 20 iş günü müəyyən edilib.
Ərazi qeydiyyat idarələri özünümaliyyələşdirmə prinsipi ilə işləyir. Onlara xidmətə görə ödəniş edilir. Bundan başqa, dövlət rüsumunun 30%-i əməkdaşların sosial vəziyyətinin yaxşılaşdırılmasına yönəldilir.
Maraqlıdır ki, əvvəllər Bakıda yalnız Bakı Ərazi Qeydiyyat İdarəsi fəaliyyət göstərirdi. Son aylarda 5 yeni rayon şöbəsi istifadəyə verilib. 08D
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz