Bu gün Nərimanov rayon Məhkəməsində Abbas Əliyevin sədrliyi ilə polisə müqavimət göstərməkdə və ictimai asayişi pozmaqda ittiham olunan bir qrup dindar haqqında hökm çıxarılıb. Onlar 2012-ci il oktyabrın 5-də Təhsil Nazirliyi qarşısında məktəblərdə hicabın qadağan edilməsinin ləğvi tələbi ilə keçirilən etiraz aksiyası ilə əlaqədar həbs ediliblər.
Məhkəmə 8 nəfəri təqsirli bilib və aşağıdaki cəzalara məhkum edib: Davud Kərimov, Telman Şirəliyev – 6 il azadlıqdan məhrumetmə, Tərlan Ağadadaşov, Anar Qasımlı, İlham Hətəmov və Rövşən Allahverdiyev – 5,5 il həbs, Murad Quliyev və Ceyhun Quliyev – 5 il həbs.
Vəkil Mənsum Bayramovun Turan-a verdiyi məlumata görə, ittiham olunanların əksəriyyəti özlərini təqsirli bilməyiblər. Bəziləri təqsirlərini qismən etiraf ediblər. Vəkillər və məhbusların doğmaları hökmü sifarişli hesab edirlər və yaxın günlərdə mətbuat konfransı keçirmək niyyətindədirlər.
Ümumilikdə sözügedən hadisələrlə bağlı 33 nəfər həbs olunub. Onların bir hissəsi də məhkəməyə çıxarılıb, digərləri isə hələ istintaq altındadır. -16D06-
Siyasət
-
Dövlət və hökumət başçıları COP29 iqlim konfransında iştirak etmək üçün Bakıya gəlməyə davam edirlər.
-
Çərşənbə axşamı dövlət katibi Entoni Blinken təyyarədən Türkiyənin xarici işlər naziri Hakan Fidana zəng edərək Yaxın Şərq və Cənubi Qafqazı müzakirə edib, səfər zamanı dövlət katibini müşayiət edən Turan-ın müxbiri bildirib.
-
BBC: BMT-nin Beynəlxalq Ədalət Məhkəməsi (ICJ) Azərbaycan və Ermənistanın qarşılıqlı iddialarını araşdırmağa razılaşıb. Hər iki ölkə bir-birini Dağlıq Qarabağdakı vəziyyətlə bağlı Bütün Formalı İrqi Ayrı-seçkiliyin Ləğv Edilməsi haqqında Beynəlxalq Konvensiyanı pozmaqda ittiham edir.
-
"Azərbaycan və Ermənistandan olan bir qrup hidroloq və mühəndis bizim fəal dəstəyimizlə transsərhəd çaylar üçün inteqrasiya olunmuş su idarəçiliyi sxemi üzərində birgə işləyir", bu barədə noyabrın 12-də ABŞ-ın Azərbaycandakı səfiri Mark Libbi X sosial şəbəkəsindəki hesabında yazıb.
Rəy yaz