M.Zeynalova: İnsan alverçilərinə qarşı cəzalar sərtləşdirilməlidir

Keçən il Azərbaycanda 66 insan alveri faktı aşkarlanıb. Bu haqda Turan-a açıqlamasında “Təmiz Dünya” ictimai birliyinin rəhbəri Mehriban Zeynalova bildirib.

Bu ilin 3 ayı ərzində isə 10 belə insan alveri faktı üzə çıxıb. Onun sözlərinə görə, 175 nəfər potensial alver qurbanına yardım göstərilərək, belə faciəyə düşə bilməkdən xilas edilib. İnsanların alver qurbanına çevrilməsinə əsas səbəbələr kimi hüquqi savadsızlıqları, “varlı həyat qurmaq” barədə insan alverilə məşğul olan dəstələrin, qonum-qonşularının sözlərinə sadəlövhcəsinə inanmaları göstərilir. Belə “xoşbəxtlik” dalınca gedən bu insanlara şəxsi faciələrini öz əllərilə qurduqlarını izah etmək istədikdə, buna inanmırlar. Faciəni yaşadıqdan sonra hansı tora düşdüklərini anlayırlar. 

Amma son 7 ildə Azərbaycanda insan alveri qurbanı olmağın şəkli dəyişib. Belə ki, indi ölkədən insanları “xoşbəxt həyat dalınca qürbətə” aparmaq faktları azalıb. Əvəzində xaricilərlə ailə quraraq xarici ölkələrə gedən azərbaycanlı qadınların alver qurbanına çevrilməsi faktları artır. 

Alver qurbanı olan insanların reablitasiyası məsələsində də problemlər var. Ən əsas problem belə şəxslərin ailələri tərəfindən qəbul edilməməsidir. Çox zaman ailələri onları qəbul etməyərək, düşdükləri duruma görə bu qurbanların özlərini günahkar sayırlar. Digər tərəfdən, belə şəxslər peşəkar psixoloji yardıma ehtiyac duyurlar. Onların cəmiyyətə reablitasiyası problemləri olur. Həm də cəmiyyətin özü bu insanları sona qədər cəmiyyətə interqsiya etməkdə ardıcıl olmur.

Bu qism insanların reablitasiyası məqsədilə hələlik 4 sığınacaq yaradılıb. Bunlardan biri Daxili İşlər Nazirliyinə, 3-ü isə insan alveri qurbanlarının reablitasiyası ilə məşğul olan QHT-lərə aiddir. 

ABŞ Dövlət Departamentinin insan alverilə bağlı hesabatında Azərbaycanın tənqidə məruz qoyulmasına da M.Zeynalova mövqe bildirib. Digər MDB ölkələrilə müqayisədə Azərbaycanda insan alveri faktları daha çox üzə çıxarılır. Amma insan alverilə məşğul olan şəxslərə cəzalar yüngüldür, çox vaxt da belələri şərti cəza almaqla canlarını qurtara bilirlər. Bununla bağlı qanunvercilikdəki cəzalar sərtləşdirilməlidir. Bu məsələ parlament səviyyəsində həllini tapmalıdır. -05- 

 

Rəy yaz

Cəmiyyət

İran Prezidentinin həlak olduğu hadisə Azərbaycan- İran münasibətlərinə təsir edə bilərmi? – Nəsimi Məmmədli Çətin sualda



Bizi sosial şəbəkələrdə izləyin

Xəbər lenti