Daşkəsən dəmir filizi uğrunda qarşıdurma güclənir

Daşkəsən Filizsaflaşdırma Kombinatı və onu idarə edən  Daşkəsən qrupunun yataqları uğrunda çoxillik mübarizə yenidən qızışır. Bu dəfə tərəflər arasındakı qarşıdurma mətbuat səhifələrinə çıxıb.

İlk olaraq “Baku Steel Company” MMC-nin sahibi kimi göstərən Rasim Məmmədovun əsəbləri dözməyib. Şirkətin Müşahidə Şurasının sədri olan R.Məmmədov sayta geniş müsahibə verib  http://haqqin.az/news/45596, http://haqqin.az/news/45668). Orda sözarası «Azərbaycan Polad İstehsalı Kompleksi» dövlət QSC-si (ASPC) barədə  ağzından söz qaçırıb. Onun fikrincə, ildə 1 mln ton metal prokatı istehsal etməyi planlaşdıran bu şirkətin yaradılmasına lüzum yox idi. “Baku Steel Company” də bu qədər metal istehsal edir. Məmmədovun sözlərinə görə, filiz ehtiyatı 5-6 ilə çatar, kadr tərkibi isə “oğru, dələduz” və qeyri-peşəkarlardan ibarətdir.

 “Baku Steel Company” rəhbəri jurnalistlə söhbətində nəzarət etdiyi çuqun və polad borular istehsal edən müəssisələrdən də danışıb. O deyib ki, “Bakı Poladtökmə”ni söküb yerində guya metallurgiya kompleksinin əməkçiləri üçün yaşayış binası tikmək istəyir.

Cavab özünü çox gözlətmədi və rəsmi dövlət qəzetində dərc olundu (http://www.azerbaijan-news.az/index.php?mod=3&id=70755). Bu dəfə ritorika çox açıq oldu. ASPC satınalma və logistika departamentinin direktoru Elbrus Cəfərov qeyd edir ki, “Azərboru” və “Bakı Poladtokmə” ASC-nin özəlləşdirilməsi uğur gətirməyib: “Baku Steel Company” MMC-nin idarəçiliyi altında olan bu müəssisələr dayanıb, minlərlə işçi isə iş yerindən məhrum olub.

Ona görə də “müvafiq dövlət strukturuna daxil edilməsi onların fəaliyyətini bərpa etməyə və ağır metallurgiyanın klaster dövrünü başa çatdırmağa imkan verəcək”, - deyə ASPC-də hesab edirlər.

ASPC nümayəndəsi bəyan edir ki, Daşkəsən qrupunun yataqlarında dəmir filizinin təsdiq olunmuş ehtiyatları 270 mln ton təşkil edir, ikincinin tərkibinin 40%-i dəmirdir. Bu da Filizsaflaşdırma kombinatının ehtiyaclarının 80-100 il müddətində təmin edilməsi üçün yetərlidir. Gəncə şəhərində dörd zavodun tikintisi işi də tam qüvvəsi ilə gedir.

Qeyd edək ki, 2000-ci illərin əvvəlində “Daşkəsən filizsaflaşdırma” ASC investisiya müsabiqəsi yolu ilə əvvəl Britaniyanın “Aldex Limited” şirkətinə daha sonra BƏƏ-nin “Det-Al Holding” şirkətinə satılıb. 2013-cü ilin aprelində dövlət başçısının sərəncamı ilə ASPC QSC yaradılıb və “Daşkəsən filizsaflaşdırma” ASC onun strukturuna verilib. 08B