Azərbaycan hökuməti və Beynəlxalq Yenidənqurma və İnkişaf Bankı (Dünya Bankının üzvü) “Dəmir Yolu Ticarətinin və Nəqliyyatının Dəstəklənməsi Layihəsi üçün Əlavə Maliyyələşdirmə”yə dair Layihə Sazişi” imzalayib. Bu, Nəqliyyat Nazirliyinin layihə çərçivəsində üçüncü kreditidir.
Sazişi sentyabrın 20-də nəqliyyat naziri Ziya Məmmədov və Beynəlxalq Yenidənqurma və İnkişaf Bankının Azərbaycan üzrə Ölkə Meneceri xanım Larisa Leşçenko imzalayıblar. Kredit 23 ilə verilib, güzəştli müddət 8 ildir.
Nəqliyyat Nazirliyinin mətbuata məlumatında deyilir ki, layihədə nəzərdə tutulan işlərin çoxu görülüb. Əlavə maliyyənin istiqaməti barədə məlumat verilmir. 2009-cu ilin dekabrında “Azərbaycan Dəmir Yolları” QSC BYİB ilə $450 mln məbləğində saziş imzalayıb. Layihənin icrası üçün Çexiya Eksimbankından 215 mln avro cəlb edilib.
“Dəmir Yolu Ticarətinin və Nəqliyyatının Dəstəklənməsi” layihəsi Şərq-Qərb dəhlizi üzrə Azərbaycan dəmir yollarının modernləşdirilməsini nəzərdə tutur.
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz