Rasim Cəfərov alpinizm fəaliyyətinin 50 illiyini qeyd edir
2013-cü il yubileylərlə dolu bir ildir. Bu il həm Azərbaycan Alpinizm Federasiyası(AAF) öz 50 illik yubileyini qeyd edir, həm də Azərbaycanın alpinizm üzrə ən qocaman təlimatçısının - Rasim Cəfərov Paşa oğlunun alpinizm idman növündə fəaliyyətinin 50 illiyi qeyd olunur.
Cəfərov Rasim Paşa oğlu 1941-ci ilin dekabrın 2-də anadan olub. Neft-Kimya institutunda oxuyarkan o, institutun nəzdində fəaliyyət göstərən alpinizm üzrə seksiyada məşq etməyə başlayıb. Seksiya “Burevestnik” könüllü idman cəmiyyətinin nəzdində idi. Heç kimə sirr deyil ki, idmançının fiziki hazırlığı və peşəkarlığı, eyni zamanda məşğul olduğu idman növünün maraq dərəcəsi məhz təlimatçıdan və məşqçidən irəli gəlir. Bu baxımdan Rasim Cəfərovun bəxti gətirdi. Onun ilk təlimatçıları Konstantin Dubov və Aleksandr Voskresenski idilər. Alpinizmdən az da olsa anlayışı olanlar bu şəxslərin kim olduğunu gözəl bilirlər. Bəlkə də elə məhz Dubov tələbəsinin taleyinə böyük təsir etdi və hazırda Rasim Cəfərov Azərbaycan alpinizminin etibarlı dayağıdır, öz silahdaşları ilə birgə bu idman növünün canlı tarixidir.
Ardıcıllıq isə belədir: R. Cəfərovun ilk dırmandığı zirvələr 1964-cü ildə Şalbuzlaq və Bazardüzü olmuşdur. Bu zirvələrin fəthinə görə o, özünün ilk alpinist mükafatını alıb – “SSRİ Alpinisti” döş nişanı. Həmin mövsümdə o Qaraçay-Çerkez vilayətindəki “Alıbek” təlim-məşq bazasına gedərək, hündürlüyü dörd min metrdən çox olan 4 zirvəni fəth edə bilib və 3-cü dərəcəni alıb. Eyni zamanda həmin ildə də Azərbaycanda keçirilən qayaya dırmanma üzrə yarışlarda da iştirak edə bilib.
Rasim Cəfərovun karyerası belə başladı.
İnstitutu bitirdikdən sonra o, “Spartak” cəmiyyətinə Aleksandr Voskresenskinın yanına gedib. 1968-ci ildə ikinci dərəcəyə imza atıb, daha sonra birinci dərəcəni əldə etmək üçün hazırlaşırdı. Rasim Cəfərovun uğurlarına baxdıqda nəticə çıxartmaq olar ki, o alpinizmdə özünü və həyat yolunu tapdı.
1974-cü ildə R. Cəfərov alpinizm məktəbini bitirərək, alpinizm üzrə üçüncü dərəcəli təlimatçı vəzifəsinə layıq görüldü.
Sonrakı illər o, dağlara təlimatçı qismində gedirdi, Rusiyanın və Gürcüstanın alpinist düşərgələrində çox illər çalışırdı. Birinci dərəcəyə 1980-ci ildə, eyni zamanda alpinizm üzrə 2-ci dərəcəli təlimatçı statusuna imza atmışdır. Qeyd etmək lazımdır ki, bir il öncə Rasim müəllim, ixtisasça mühəndis, texniki elmlər üzrə namizəd olmuşdur. İstedadlı insan hər sahədə istedadlıdır.
Kabardin-Balkariyanın alpinist düşərgələrində çoxillik təcrübəyə baxmayaraq, R. Cəfərov milli alpinizmin inkaşafı naminə əlindən gələni əsirgəmirdi. O, “Spartakın” təlimatçısı vəzifəsində uzun illər çalışmışdı.
Rasim Cəfərov Avropanın ən hündür dağının – Elbrusun zirvəsində iki dəfə olmuşdur. 1989-cu ildə alpinizm üzrə milli komandanın heyətində “Lenin” pikini fəth etmiş, növbəti il “Korjenevskaya” və “Kommunizm” zirvələrində də olmuşdur.
Zaman keçdikcə Rasim Cəfərov öz alpinist karyerasına az vaxt ayırırdı, üstünlüyü daha çox məşqçiliyə verirdi. O, gənc nəsillərlə öz idman təcrübəsini böluşməyi özünün bir nömrəli vəzifəsi hesab edir, böyük həvəslə tələbələri ilə alpinizm və qayaya dırmanma üzrə təlimləri keçir, təlim-məşq toplantıları təşkil edirdi. Beləliklə, Rasim Cəfərov bir neçə gənc alpinist üçün mənəvi lider və müəllim oldu.
1998-ci ildə böyük ekspedisiyanın nəzdində o, “Heydər Zirvəsi”nə yürüşdə iştirak etmişdir.
2010-cu ildə R. Cəfərov Azərbaycan Alpinizm Federasiyasına başçılıq etməyə başlamış və 10 il ərzində işinin öhdəsindən uğurla gəlmişdir. 2010-cu ildən bu günə kimi Federasiyanın rəyasət heyətinin fəal üzvlərindən biridir. Bundan əlavə, yaşının çox olmasına baxmayaraq Rasim Cəfərov çox vaxt Respublika yarışlarında baş hakim qısmində çıxış edir, məktəblərdə mühazirələr oxuyur, özü məşq edir, eyni zamanda Respublika Alpinist-Turist Klubunun idmançılarına həvəslə məşq keçir.
Rasim Cəfərov 2011-ci ildə 70 yaşında olarkən digər alpinizm veteranları ilə birgə AAF-ın bir layihəsində iştirak etmişdir. Layihənin missiyası Azərbaycanın alpinizm veteranlarının Kazbek zirvəsini fəth etməsi idi.
R. Cəfərovun uğurlu dırmanmalarının sayı-hesabı yoxdur. O, nəinki milli alpinizmin təməlinə əsas qoyanlardan biri olmuşdur, eyni zamanda Azərbaycanın idman tarixini yazan və bir çox idmançıları yetişdirən şəxsdir. İnanmıram ki, ölkəmizdə Rasim müəllimi tanımıyan alpinist var, çünki o, yarım əsr boyu ölkəmizin alpinizminin simasıdır.
Rasim Cəfərovun sözlərinə görə, uğurlarının səbəbkarı onun təlimatçılarıdır. Və həmişə deyir ki, təhlükə ondan qaçırdı...
Azərbaycan Alpinizm Federasiyası olaraq, biz də Rasim Cəfərova uzun ömür, can sağlığı arzulayırıq!
Cəmiyyət
-
Oktyabrın 12-də paytaxtın bəzi yerlərində yağış yağacaq, Abşeron yarımadasında intensiv olacaq, xəbəri Milli Hidrometeorologiya Xidmətinin sinoptikləri yayıb.
-
TƏBİB-dən Turana bildirilib ki, oktyabrın 10-u saat 19:00-dan başlayaraq Qazax Rayon Mərkəzi Xəstəxanasına ümumilikdə 18 nəfər zəhərlənmə şübhəsilə müraciət edib. Onların hər birinə zəruri tibbi xidmətlər göstərilib. 16 nəfər ambulator müalicə üçün evə buraxılıb, hazırda 2 nəfərin müalicəsi Təcili tibbi yardım bölməsində davam etdirilir, vəziyyətləri orta ağır olaraq qiymətləndirilir.
-
İnnovasiya və sürət lideri “Bakcell”in tərəfdaşı olduğu “INMerge” İnnovasiya Sammiti uğurla davam edir. Tədbirin ilk günündə “Bakcell”in baş icraçı direktoru Klaus Müller "Aparıcı telekom şirkətlərinin uğurlu strategiyaları" adlı panel müzakirəsinə qatılıb.
-
Oktyabrın 10-da Ağır Cinayətlər Məhkəməsində Əhməd Əhmədovun barəsində hökm oxunub. O, ailəsinin beş üzvünü öldürməkdə təqsirli bilinir.
Rəy yaz