Çərşənbə axşamı Musavat partiyasının mənzil-qərargahında Demokratik Qüvvələrin Milli Şurasının (DQMŞ) Seçki Strategiyası Mərkəzinin (SSM) toplantısı keçirilib. Bu xəbər Turan-a prezdentliyə namizədin mətbuat xidmətindən daxil olub.
Milli Şuranın prezidentliyə vahid namizədi Cəmil Həsənlinin sədrliyi ilə keçirilən toplantıda seçki təşviqat kampaniyasının hazırkı durumu, 22 sentyabr görüş-mitinqinin nəticələri, Bakıda və regionlarda seçicilərlə keçirəcəyi görüş və mitinqlərin vaxt intervalı müyyən edilib. Bununla yanaşı, səlahiyyətli nümayəndələrin, məşvərətçi səs hüquqlu komissiya üzvlərinin və müşahidəçilər korpusunun müəyyənləşməsi, 29 sentyabr görüş-mitinqinə hazırlıq və s. məsələlər müzakirə olunub.
Toplantı iştirakçıları seçki kampaniyasının gedişi ilə bağlı hazırkı durumu müzakirə edərək, C.Həsənlinin televiziya debatlarını və 22 sentyabr görüş-mitinqini yüksək qiymətləndiriblər. Yaxın dövrdə görülməsi nəzərdə tutulan işlərlə bağlı bölgü aparılıb. Toplantıda Milli Şuraya daxil olan partiyaların rəhbərləri, komissiya sədrləri, Seçki Qərargahının üzvləri iştirak ediblər. -05D-
Siyasət
-
Sentyabrın 18-də Azərbaycanın xarici işlər naziri Ceyhun Bayramovla Azərbaycanda səfərdə olan ABŞ dövlət katibinin Avropa və Avrasiya məsələləri üzrə köməkçisinin müavini Coşua Hakın görüşü olub.
-
18 beynəlxalq insan hüquqları təşkilatı Avropa Şurasının yeni baş katibi Alen Berseyə məktub ünvanlayaraq Azərbaycanda insan hüquqlarının vəziyyəti, jurnalist və fəalların kütləvi həbsinə diqqət çəkiblər.
-
Bu gün şeyxülislam Allahşükür Paşazadə Moskvaya gedir. O, sentyabrın 21-də keçiriləcək “Sülh yolu: dialoq harmoniyalı birgəyaşayışın əsası kimi” mövzusunda XX Beynəlxalq Müsəlman Forumunda iştirak edəcək.
-
İqtisadçı, İstanbul Universitetinin doktorantı Fazil Qasımov 97 gündür ki, Penitensiar Xidmətin müalicə müəssisəsində aclıq edir. Sentyabrın 17-də Beynəlxalq Qırmızı Xaç Komitəsinin Bakı nümayəndəliyinin əməkdaşları ona baş çəkiblər.
Rəy yaz