Deputat icbari tibbi sığortanın qəbulu üçün hökuməti tələsdirir

İcbari tibbi sığorta (İTS) üçün Azərbaycanda hər cür şərait var, bunun üçün Nazirlər Kabinetinin iradəsi lazımdır, - deyə Milli Məclisin üzvü Vahid Əhmədov bildirib. 

Onun sözlərinə görə, parlamentə bu qanun qəbul edilib, amma onun tətbiqi mezanizmi təkmilləşdirilməyib. Prezidentin fərmanı olsa da, hələ İTS üzrə Agentlik də yaradılmayıb. Məlumdur ki, İTS-in əsas vəzifəsi pasiyentin tibbi xərclərini xüsusi agentliyin üzərinə qoymaqdır. Bu növün tətbiqi bir sıra məsələlərin həllini tələb edir. Hələlik maliyyə qaynağı (dövlət büdcəsi və ya İTS Fonunda icbari üzvlük haqı ola bilər), baza paketinin həcmi (pulsuz xidmətlərin minimumu), müalicə alqoritmlərinin təsdiqi, tibbi xidmətin qiyməti, maddi-texniki baza və kadr resusru məsələləri həllini tapmayıb. 

Onun sözlərinə görə, İTS-in tətbiqində iki model var. Onların birinin qonşu ölkələrdəki səhvlərlə yanaşı həyat qabiliyyəti var, digər model büdcə pullarını istehlakçılara məxsus İTS polisi nəzərə alınmaqla «konvertləşdirir». Yəni vətəndaş klinikanı özü seçir. Beləliklə, pul pasiyentin ardınca gedəcək və yaxşı tibb müəssisələri modernləşmə imkanı qazanacaq. 

Deputat hesab edir ki, maliyyə vəsaiti vətəndaşların fərdi sığorta polisinə, oradan müalicə müəssisələrinə yönəlməlidir. 

  İTS-in inkişafı proqramı prezidentin fərmanı ilə Nazirlər Kabinetinə verilib. Könüllü tibbi sığorta praktikası icbari ilə yanaşı inkişaf imkanı yaradır. Ona görə hökumət zamanın tələbinə tezliklə səs verməlidir, – deyə deputat düşünür. --17D—