![Dollar bahalanacaq – ekspert](https://turan.az/resized/./turan-750-500-resize.webp)
Dollar bahalanacaq – ekspert
Manatın ucuzlaşması davam edəcək, deyə iqtisadçı Qubad İbadoğlu düşünür.
Turan-ın məlumatına görə, ekspert «Facebook» səhifəsində qeyd edib ki, manatın ucuzlaşmasını şərtləndirən amillər getdikcə daha fəallaşır.
Onun sözlərinə görə, bu amillər Yeni ilə qədər olan müddətdə fəal olacaq.
Ekspert səbəblərdən biri kimi “Bank Standard”ın bağlanmasını göstərir. O xatırladıb ki, 603 milyon manat məbləğində əmanətlərin 460 milyon manatını kompensasiya olunan əmanətlər təşkil edir.
«Kompensasiya manatla verilir, bu isə valyuta bazarında dollar tələbatı qaldıracaq», deyə o hesab edir.
Qubad İbadoğlunun fikrincə, SOCAR-ın istiqrazları dövriyyədə olan və valyuta bazarında manata dəyişdirilən valyuta vəsaitinin bir qismi onun sahiblərinin sərəncamından çıxarılıb. Bu amil valyuta bazarına çıxarılan şəxsi valyutaların həcmini aşağı salıb və dolların təklifini azaldıb.
«Üçüncüsü, bu müddət ərzində dövlət büdcəsinin neft gəlirlərindən asılılığnın azaldılması siyasətinin davamı edəcəksə Dövlət Neft Fondunun bazara valyuta çıxaracağının azalacağı gözlənilir. Bu isə valyuta təklifinini aşağı salınmasına ciddi təsir göstərəcək digər başqa amilləri gücləndirəcək», deyə o yazır.
Qubad İbadoğlu digər səbəblər kimi ilin sona yaxınlaşması ilə əlaqədar olaraq, şirkətlərin, bankların və dövlətin xarici borc öhdəliklərinin icrasına yönəldəcəyi valyuta həcminin artmasını, FED-in gözlənilən toplantısında uçot dərəcəsinin artırılması ilə bağlı müsbət qərar vermə ehtimalının manata olan psixoloji təzyiqlərini göstərib.
Qeyd edək ki, oktyabrın 17-dən dollar bahalanmağa başlayıb və məzənnə 1,5970 manatdan 1,6211 manata artıb. –71D-
-
- İqtisadiyyat
- 25 Oktyabr 2016 13:43
-
- Cəmiyyət
- 25 Oktyabr 2016 14:25
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz