Azərbaycanda aparıcı dondurma istehsalçılarından biri olan “AER” firması “AER Company” QSC-yə çevrilib.
Mayın 1-də Qiymətli Kağızlar üzrə Dövlət Komitəsi şirkətin qapalı abunə yolu ilə yerləşdiriləcək səhmlərinin emissiya prospektini qeydə alıb.
Firma 15 il əvvəl Sumqayıtda Adil, Elşən və Rövşən qardaşları tərəfindən təsis edilib. Zaqatala rayonundan məcburi köçkün olan qardaşlar pərakəndə satış ilə məşğul olublar. 2007-ci ildə Avropadan Tetra Pak texnologiyası əsasında dondurma istehsalı üzrə müasir avadanlıq alıblar. Bu müddətdə qardaşlar Azərbaycan ərazisində öz bizneslərini genişləndiriblər, Gürcüstana dondurma ixracına və Qazaxıstanda filial açmağa nail olublar.
2011-ci ildə İqtisadi İnkişaf Nazirliyi “AER”in fəaliyyətində qalmaqallı yoxlama aparıb. Məhsulların tərkibində çatışmazlıqlar aşkar edilib, iri məbləğdə cərimə qoyulub, hətta firmanın direktoru həbs olunub.
“AER Company” QSC Azərbaycanda bir çox tanınmış və az tanınmış şirkətlərin səhmdar idarəetmə formasından imtina etməsi fonunda təsis edilib. Şirkətdən Turan-a bu qərarın qəbulu ilə bağlı səbəbləri açıqlamayıblar. Bir qayda olaraq, səhmdar tipi strateji investorun cəlb edilməsi zamanı istifadə olunur. 08B
İqtisadiyyat
-
Azərbaycan Prezidenti İlham Əliyev fevralın 11-də "Avtomatlaşdırılmış Qida Təhlükəsizliyi" informasiya sisteminin (AQTS) yaradılmasına dair fərman imzalayıb. Bu addım ölkənin qida təhlükəsizliyi, baytarlıq və fitosanitar nəzarəti sahələrində dövlət idarəetməsinin optimallaşdırılmasını və göstərilən xidmətlərin keyfiyyətinin artırılmasını hədəfləyir.
-
Azərbaycan Respublikasının Prezidenti İlham Əliyev, Azərbaycan və Rusiya hökumətləri arasında "Şimal-Cənub" beynəlxalq nəqliyyat dəhlizində tranzit yük daşımalarının artırılmasına yönəlmiş əməkdaşlıq sazişini təsdiqləyən fərman imzalayıb.
-
Azərbaycanın istehlak qiymətləri 2025-ci ilin yanvar ayında əvvəlki ayla müqayisədə ümumilikdə 2.1% artıb. Dövlət Statistika Komitəsinin son hesabatına görə, ərzaq məhsullarının qiymətləri 2.4% artıb, tərəvəz və meyvələr isə qiymət artımının əsas səbəbləri sırasındadır, müvafiq olaraq 3.7% və 5.6% artıb. Qida olmayan məhsullar və xidmətlərdə isə daha müvazil bir artım müşahidə olunub, qiymətlər 1.1% yüksəlib, nəqliyyat sektoru və mənzil xidmətləri isə kiçik qiymət artımları ilə üzləşib.
-
Fevralın 11-də Azərbaycan Pakistanın şimal-şərqindəki Punjab əyalətində ticarət evi açıb. Bu tədbir, Pakistan mətbuatına görə, "Azərbaycan və Pakistan arasındakı ikitərəfli əlaqələrin möhkəmlənməsi üçün əhəmiyyətli" hesab olunur. Açılış mərasimində Punjab Maliyyə naziri Mian Müctəba Şuca-ür-Rəhman iştirak edib və bu, iqtisadi əməkdaşlıqda mühüm bir addım kimi qiymətləndirilib.
Rəy yaz