Dövlət büdcəsi təsdiq edilib

Prezident İlham Əliyev “Azərbaycan Respublikasının 2015-ci il dövlət büdcəsi haqqında” qanunu imzalayıb. Sənədə əsasən, 2015-ci il dövlət büdcəsinin gəlirləri 19 mlrd 438 mln manat (mərkəzləşdirilmiş gəlirlər 18 mlrd 603 mln 462 min, yerli gəlirlər 834 538 min manat), xərcləri 21 mlrd 100 mln manat mərkəzləşdirilmiş xərclər 19 446 050, yerli xərclər 1 653 950 min manat) səviyyəsində proqnozlaşdırılır.

Büdcə kəsiri 1,662 mlrd manat olacaq. Kəsir özəlləşmə, qiymətli kağızlar, xarici qranlatlar və s  maliyyləşəcək.

Dövlət büdcəsinin gəlirlərinin strukturunda Vergilər Nazirliyinin xətti ilə daxilolmalar 7 mlrd 112 mln manat (+ 0,1%), Dövlət Gömrük Komitəsinin xətti ilə 1 mlrd 590 mln manat (+ 5,3%), Dövlət Neft Fondundan transfertlər 10 mlrd 388 mln manat (+11,3%) səviyyəsində proqnozlaşdırılır, qalan məbləğ digər gəlirlərin payına düşür. Özəlləşdirilən müəssisələr 7 mln manat (+40%), büdcə təşkilatlarının büdcədənkənar gəlirləri 300 mln manat, digər gəlirlər 41 mln manat olacaq.

Hərbi xərclər 1 778,5 mln manat (+ 8,6%), dövlət kapital xərcləri 10,7% artaraq 6 930 mln manat,  sənaye və tikinti xərcləri 10,7% artaraq 6 951,6 mln manat, təhsil xərcləri 3,5% artaraq . 1 711,2 mln manat, səhiyyə xərcləri 7,2% artaraq  777,7 mln manat olacaq. Elmə 150,5 mln manat, prokurorluq, məhkəmə və hüquq mühafizə orqanlarına 1 227,1 mln manat xərclənəcək.

Sosial müdafiə və sosial təminat xərcləri 1,5% azalaraq 2 040,5 mln manat təşkil edəcək. --17D—