Dövlət büdcəsinin yeni variantının qəbulu tövsiyə edilib (YENİLƏNİB)

Milli Məclisin iclasında Azərbaycanın 2016-cı il üçün dövlət büdcəsinin gəlir və xərclər hissəsinə düzəlişlərin müzakirəsi davam edir.

Maliyyə naziri Samir Şərifovun sözlərinə görə, yeni hesablamalar Dövlət Neft Fondunun (ARDNF) vəsaitinə $1 mlrd. və ya 1 mlrd. 615 mln. manat (ilkin təsdiq edilmiş büdcənin  26,9%-i) qənaət olunmasına imkan verəcək.

Xatırladaq ki, dəyişikliklər nəticəsində ARDNF-dən ölkə  büdcəsinə transfertlər 7 mlrd. 615 mln. manat təşkil edəcək.

Hesablama Palatasının sədri Vüqar Gülməmmədovun sözlərinə görə, 2016-cı ilin yekunları üzrə dövlət büdcəsinin kəsirinin azalmasına nail olmaq üçün gəlirlər strukturunda potensial imkanlardan istfadə lazımdır. Bura mükəmməl vergi və gömrük inzibatçılığı, həmçinin büdcə xərclərinin istifadəsi zamanı maliyyə nəzarətinin gücləndirilməsi aiddir.

Çox güman ki, dövlət büdcəsinin kəsiri 1 mlrd. 673 mln. manat (təsdiqlənmiş variantda 1 mlrd. 698 mln. manat) təşkil etməlidir.

Deputatların reaksiyasına əsasən qanun layihəsi qəbul ediləcək. Çıxışçılar dövlət büdcəsinin yeni variantının qəbulunu tövsiyə ediblər.

Gəlir hissəsinin 16 mlrd. 822 mln. manata, xərclər hissəsinin 18 mlrd. 495 mln. manata çatdırılması təklif olunur. --17D—

2016 Fevral 23 (Çərşənbə axşamı) 11:45:28

Milli Məclis bugünkü iclasında 2016-cı ilin dövlət büdcəsinə və Sosial Müdafiə Fondunun büdcəsinə dəyişiklikləri müzakirə edəcək.

2016-cı ilin dövlət büdcəsində neftin baza qiyməti 1 barrel üçün $50 qəbul edilib. Amma birja qiymətləri bu göstəricini $25-dək azaltmağa məcbur edir. 

Artım xərclər (+13,7%), eləcə də gəlirləri (+15,5%) hissəsində olacaq. Milli Məclisə təqdim edilən dövlət büdcəsinə dəyişikliklər layihəsində dövlət büdcəsinin gəlirləri 16 mlrd 822 mln, xərclər 18 mlrd 495 mln manat, kəsir 1 mlrd 673 mln manat proqnozlaşdırılıb.

Bundan başqa, «Valyuta tənzimlənməsi haqqında», eləcə də “Elm haqqında” qanun layihələri müzakirə olunacaq. --17D—