Dövlət müəssisələrində korporativ idarəetmə prinsiplərinin tətbiqinə dair təlim keçirilib
İqtisadiyyat və Sənaye Nazirliyində korporativ idarəetmənin əsaslarına həsr edilmiş təlim keçirilib. Tədbirdə 20-dən çox dövlət müəssisəsinin nümayəndəsi iştirak edib.
Nazirliyin mətbuat xidmətində Turan-a deyiblər ki, cəmi 8 tematik seminar keçiriləcək.
Özəl və dövlət müəsisələrində korporativ idarəetmənin inkişafı üzrə tədbirlər görmək funksiyası İqtisadiyyat və Sənaye Nazirliyinə verilib. Amma qurum bu işin öhdəsindən gəlmir. Çünki bu prinsiplərin tətbiqi icbari deyil.
Korporativ idarəetmə prinsiplərinin tətbiqi «2012-2015-ci illərdə korrupsiya ilə mübarizə üzrə milli fəaliyyət planı»nda nəzərdə tutulub. Bu dövrdə nazirlik Korporativ İdarəetmə Standartlarını, “Təsərrüfat cəmiyyətlərində korporativ idarəetmənin qiymətləndirilməsi üzrə Metodologiya”, Korporativ Etika Məcəlləsini təsdiq edib.
Əvvəlki tədqiqatlara əsasən, Azərbaycanda korporativ standartlara banklar, sığorta və lizin şirkətləri daha çox uyğun gəlir. Bir çox dövlət müəssisələrinin idarəetmə sistemi korporativ idarəetmənin milli standartlarına uyğun gəlmir. Onların çoxunun korporativ saytı yoxdur, maliyyə hesabatını açıqlamır. 08D
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz