Dövlət yerli bazardan maliyyə cəlb etmir

İlin I rübündə Maliyyə Nazirliyi istiqraz buraxmaqla maliyyə cəlb etmək üçün yerli bazara müraciət etməyib. Bunun əvəzinə hökumət ilk dəf xaricdə daha yüksək faiz dərəcəsi ilə istiqraz yerləşdirib.

Brokerlər bildirir ki, bu gün bazarda Maliyyə Nazirliyinin 3,75-4,5%-lik orta və qısamüddətli istiqrazlarına tələbat var. İnvestorlar 50 mln manat həcmində QK almağa hazırdır. Amma hökumət büdcə kəsirini xarici borcla doldurmaq istəyir. Martda 5%-lə 10 il müddətinə $1 mln. 250 mln qiymətində istiqraz yerləşdirilib. Əvvəlki illərdə  Maliyyə Nazirliyi yerli bazarda 200 mln manat cəlb edib.

Qiymətli kağızlar üzrə Dövlət Komitəsinin məlumatına görə, bu ilin I rübündə dövlət QK bazarı bir günlük repo/kontr repo əməliyyatlar hesabına inkişaf edib. İnvestorlar (əsasən maliyyə strukturları) alqı-satqını 2,4 dəfə artırıb. Repo/kontr repo əməliyyatların payı birja və birjadankənar QK dövriyyəsində 82,1% (3 289,5 mln manat) olub. 2013-ci ilin eyni dövrü ilə müqayisədə bu göstərici 0,7% artıb.

Korporativ bazarın həcmi (564,2 mln manat) 3,9 dəfə artıb. Bu, ABB və “Kapital Bank”ın səhmlərinin yerləşdirilməsia,eləcə də İpoteka Fondunun istiqrazlarının təkrar dövriyyəsinin nəticəsidir. Korporativ seqmentdə birjadankənar səhm dövriyyəsi (7,2 mln manat) 85% azalıb.

3 ayda investorlar korporativ və dövlət QK alqı-satqısı üzrə 1,5 min əqd bağlayıb. Bu, ötən ilin eyni dövründəkindən 28% çoxdur. 08D