22-ci hərracda Əmlak Məsələləri Dövlət Komitəsi iki pambıqtəmizləmə zavodunun ( “Qarabağ Pambıq” ASC və “Saatlı Pambıq” ASC) 974,1 min səhmini satıb.
Bu SC-lərin 30%lik səhm paketləri nominalın (2 manat) 50%-ə satılıb. Beləliklə, səhm satışından dövlət büdcəsinə 974,1 min manat daxil olacaq.
Noyabrda keçirilən 3 hərracda pambıqtəmizləmə zavodunun 6 2 mln 434 min 165 ədəd səhmi satılıb.
Sentyabr-oktyabrda ƏMDK 7 pambıq SC-nin blokedici paketlərini satıb. 70%-lik səhm paketləri 1997-ci ildə I Dövlət Özəlləşdirmə Proqramı çərçivəsində satılıb.
ƏMDK pambıq şirkətlərinin səhmlərinin satışını başa çatdırıb və 19 pambıqtəmizləmə zavodu özəl şəxslərə məxsusdur. 14-dək zavoda “MKT İstehsalat Kommersiya” nəzarət edir, Kürdəmir və Ağdamda iki zavodu onların keçmiş direktorları alıb və s. 08B
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz