DSMF-nin büdcəsi təsdiq edilib

Dövlət Sosial Müdafiə Fondunun 2015-ci il büdcəsi təsdiq edilib. Fondun büdcəsi 3 mlrd 56 mln 285,7 min manat (+4,3%) təsdiq edilib. 

Büdcənin yarısı icbari sığortadan formalaşacaq - 1,95 mlrd manat (+9,55%). Büdcə təşkilatlarının sosial sığorta ayırmaları 604,062 mln manat, büdcə təşkilatları əməkdaşlarının ayırmaları 82,372 mln manat, büdcə təşkilatları büdcədənkənar vəsaitlərindən mədaxil 12,5 mln manat olacaq.

Sahibkarlıqla məşğul olan fiziki şəxslərdən mədaxil 50,49 mln manat proqnozlaşdırılır. Dövlət büdcəsindən 1,1 mlrd transfert bu ilkindən 400 min manat azdır.

Nəyə xərclənir?

Xərclərin 2 mlrd 989 mln manatı əhaliyə ödənişlərə, o cümlədən əmək pensiyalarına  2,91 mlrd manat (baza hissəsinə 1,536 mlrd, sığorta hissəsinə 1,374 mlrd manat) yönəldiləcək. Müavinətlərin ödənilməsinə 78,67 mln manat, pensiya ödənişlərinə 2,79 mlrd yönəldiləcək.

Əmək qabiliyyətinin itirilməsinə görə 20,44 mln, hamiləliyə görə 24,15 mln, doğumla bağlı 6,18 mln, dəfn üçün 13,43 mln, işsizliyə görə 5,96 mln manat, pensiya ödənilməsi üzrə bank xidmətinə 20 mln manat xərclənəcək.

Sığortaolunanların sanatoriya-kurort müalicəsi və sağlamlaşdırma tədbirlərinin həyata keçirilməsi üzrə Azərbaycan Həmkarlar İttifaqları Konfederasiyası vasitəsilə maliyyələşdirilən xərclər isə 19,1 milyon manat təşkil edəcəkdir. DSMF-nin aparatının və onun yerli orqanlarının saxlanılması xərcləri 2015-ci il üçün 26,2 mln. manat təşkil edəcək. 2015-ci ildə beynəlxalq təşkilatlara üzvlük haqlarının ödənilməsi xərcləri 40 min manat, “2009-2015-ci illərdə Azərbaycan Respublikasında sığorta-pensiya sisteminin inkişafına dair Dövlət Proqramı”nın icrası ilə bağlı DSMF-nin 2015-ci il üzrə tədbirlər planının icrası ilə bağlı 1,5 milyon manat məbləğində vəsait büdcədə nəzərdə tutulur. --17D—