Əhaliyə elektron xidmət qaydaları qüvvəyə mindi
Bir ayda 50% müsbət rəy alan «elektron hökumət» orqanının fəaliyyəti qeyri-məqbul sayılacaq. 70% toplayan «3», 90% - «4», ondan yüksək əla qiymət alacaq.
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri İnam Kərimovun №9/14-01 əmrində (http://huquqiaktlar.gov.az/StatementDetails.aspx?statementId=28740) bildirilir ki, bununla bağlı dövlət orqanlarının elektron xidmətlərinin təşkili və göstəricisi üzrə illik plan və hazırlanacaq. Xərclər smetası da təsdiq edilib.
Qaydalara əsasən, bütün təşkilatlarda xidmətlər qiymətləndiriləcək. Qiymətləndirmənin aparılmasının məqsədləri elektron xidmətlərin təşkilinin sürətləndirilməsi; dövlət orqanlarının informasiya bazalarının qarşılıqlı inteqrasiyasının təmin edilməsi; dövlət orqanlarında elektron xidmətlərin təşkilində istifadə olunacaq informasiya sistemlərinin yaradılması zamanı onların təsdiq olunmuş layihələrə, texniki normalara, standartlara və tələblərə uyğun həyata keçirilməsinə nəzarət edilməsi; dövlət orqanlarının informasiya sistemləri arasında informasiya mübadiləsinin həyata keçirilməsi məqsədi ilə yaradılmış infrastruktura qoşulma prosesinə nəzarət edilməsi; dövlət orqanları tərəfindən xidmətlərin göstərilməsi prosedurunun (tələb olunan sənədlər və müddətlərlə bağlı) sadələşdirilməsi; bu sahədə modern və çevik idarəetmənin təmin edilməsi; dövlət orqanlarının fəaliyyətində şəffaflığın təmin olunmasıdır.
Qiymətləndirmə 3 mərhələdə olacaq: məlumatların toplanması, sorğuların göndərilməsi; yerində baxışın həyata keçirilməsi.
Qiymət meyarları aşağıdakılardır: sistemin avtomatlaşdırılması, elektron xidmətlərin göstərilməsi ilə bağlı digər dövlət orqanlarının elektron informasiya ehtiyatlarından (məlumat bazaları, məlumat-axtarış sistemləri, reyestrlər və digər informasiya resursları) istifadə edilməsi; elektron xidmətlərin göstərilməsində iştirak edən əməkdaşların elektron imza ilə təmin edilməsi; elektron xidmətin inzibati reqlamentinin olması. Xidmətin “elektron hökumət” (www.ehdis.gov.az) portalında mövcudluğu da nəzərə alınacaq. Həmçinin saytın elektron xidmətlər bölməsində sənəd nümunələrinin (ərizə, blank və digər) elektron formasının yerləşdirilməsi və şəxslərin bu bölmədən maneəsiz, sərbəst istifadəsinin təmin edilməsi; sənədləri elektron formada göndərən şəxsə təsdiqetmə bildirişinin göndərilməsinin və həmin sənədlərə qanunvericiliklə müəyyən edilmiş qaydada və müddətdə baxılmasının təmin edilməsi; elektron xidmətin göstərilməsinin gedişatı barədə istifadəçilərin məlumat almaq imkanlarının mövcudluğu; elektron xidmətin göstərilməsi üçün ödənişin real vaxt rejimində elektron formada ödənilməsi imkanının mövcudluğu da vacib sayılır.
Tam uyğunluq 2, qismən uyğunluq 1, uyğun gəlməmə 0 balla qiymətləndirilir. Qaydalar 18 yanvar 2013-cü ildən qüvvəyə minir. --17D—
-
- Cəmiyyət
- 22 Yanvar 2013 11:31
-
- İqtisadiyyat
- 22 Yanvar 2013 11:56
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz