Ekologiya və Təbii Sərvətlər Nazirliyi xaricilər üçün qanunsuz ovun təşkilində ittiham edilən vətəndaş Vüsal Ağayevin cərimələnməsi barədə qəribə bəyanat yayıb.
Nazirliyin məlumatında deyilir ki, həmin şəxs bir neçə gün ərzində Saatlı rayonunda əcnəbilər üçün ov təşkil edib, lakin nazirlikdən müvafiq lisenziya almayıb.
Bu səbəbdən Azərbaycan təbiətinə böyük ziyan dəyib. Ölkənin heyvanlar aləmi haqqında qanununa əsasən Ekologiya Nazirliyi oktyabrın 14-də protokol tərtib edib və 18500 manat məbləğində cərimə müəyyən edib.
Lakin məlumatda pozuntu hallarının nə zaman baş verdiyi, xaricilərin kimlər olduğu açıqlanmır.
Xatırladaq ki, iki həftə öncə Dubay şahzadəsi Həmdan əl Maktut özünün çoxsaylı dəstəsi ilə növbəti dəfə Azərbaycana ova gəlib. Onlar bir neçə gün ölkənin bir çox rayonlarını gəziblər, şahin ovu təşkil ediblər. Bunu yalnız Ekologiya Nazirliyinin müfəttişləri də daxil olmaqla, gözdən əlil olanlar görməyə bilərdi.
Şahzadə getdikdən bir neçə gün sonra təbiəti mühafizə edənlər “birdən ayılaraq” günahkarları axtarmağa başlayıblar.
Qeyd edək ki, hələ şahzadənin Azərbaycanda ovda olduğu zaman nazirliyin nümayəndəsi jurnalistlərin suallarının cavabında bu ovun qanuni ya qanunsuz olduğunu bilmədiyini etiraf etmişdi. -02В-
İqtisadiyyat
-
Azərbaycanın düyü idxalı sürətlə artmaqdadır, çünki yerli istehsal artan tələbatı qarşılamaqda çətinlik çəkir. Bu tendensiya ölkənin xarici tədarükçülərdən asılılığını vurğulayır. Hökumətin istehsalı artırmaq təşəbbüslərinə baxmayaraq, yerli istehsal dəyişməz qalır və 2024-2025 mövsümündə cəmi 10 000 ton məhsul gözlənilir. Bununla yanaşı, 2024-cü ilin yanvar-oktyabr aylarında ölkəyə 55 961 ton düyü idxal olunub.
-
Azərbaycan və Pakistan enerji əməkdaşlığının dərinləşdirilməsinə artan sadiqlik nümayiş etdirir və bu istiqamətdə xüsusilə bərpa olunan enerji təşəbbüslərinə diqqət yetirir. Yanvarın 30-da Azərbaycanın enerji naziri Pərviz Şahbazov Bakıda Pakistanın Federal Özəlləşdirmə, İnvestisiya Şurası və Kommunikasiyalar naziri Əbdül Alim Xan rəhbərlik etdiyi nümayəndə heyətini qəbul edib.
-
Qazaxıstanın ən böyük yatağı olan Kaşaqandan hasil edilən neft Bakı-Tbilisi-Ceyhan (BTC) boru kəmərinə daxil olmağa başlayıb. SOCAR-ın məlumatına görə, bu neftin ilk partiyası 27 yanvarda Səngəçal terminalında qəbul edilib və BTC vasitəsilə Ceyhan limanına nəql ediləcək.
-
Azərbaycan sosial-iqtisadi inkişaf strategiyasının həyata keçirilməsini sürətləndirir, rəqəmsal transformasiya və kibertəhlükəsizliyin gücləndirilməsinə diqqət yetirir. Hökumət insan kapitalının inkişafına və kibertəhlükəsizlik mütəxəssislərinin hazırlanmasına resurs ayırır, İnnovasiya və Rəqəmsal İnkişaf Agentliyinin İdarə Heyətinin sədri Fərid Osmanov yanvarın 30-da Azərbaycan Kibertəhlükəsizlik Mərkəzinin (AKM) dördüncü “Məzun Günü” tədbirində bildirib.
Rəy yaz