Əkrəm Həsənov: «Bank Standart» bağlamaqla hökumət bank sisteminə etimadı yox, pulu qorumağa üstünlük verdiyini göstərdi»
«Bank Standart»ın bağlanması əhalinin bank sisteminə etimadına mənfi təsir edəcək, deyə ekspert Əkrəm Həsənov hesab edir.
Bank eksperti Turan-a müsahibəsində deyib ki, Maliyyə Bazarlarına Nəzarət Palatası bu bankın sistemyaradıcı olduğunu etiraf edib.
«Bank Standart» bağlamaqla hökumət bank sisteminə etimadı yox, pulu qorumağa üstünlük verdiyini göstərdi», deyə Həsənov bildirib.
Ekspert hesab edir ki, «Bank Standart»ın bağlanması devalvasiya prosesinə də pis təsir edəcək.
«Bankın sağlamlaşdırılmasına 18 ay, kompensasiya ödənişinə 6 ay tələb olunur. İndi əmanətçilərə 460 mln manat qaytarılmalıdır. Bunun çoxu dollar əmanətidir. Əmanəti manatla qaytarılanlar onu dollarla dəyişəcək. Bütün bunlar valyutaya tələbatı artıracaq», deyə o bildirib.
Sentyabrın 30-da Maliyyə Bazarlarına Nəzarət Palatası «Bank Standart»ın bağlanması barədə qərar qəbul edib.
Bankdakı əmanətlərin həcmi 520 mln manatdır. Bunun 460 mln manatı sığortalanıb. 460 mln manat əmanətin 260 mln-u dollarla, 38 mln-u manatladır.
Maliyyə Bazarlarına Nəzarət Palatasının DŞ sədri Rüfət Aslanlı jurnalistlərə bildirib ki, maliyyə sabitliyini təmin etmək üçün AMB Əmanətlərin Sığortalanması Fonduna valyuta satacaq. 71В
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz