Maliyyə Bazarlarına Nəzarət Palatası publik hüquqi şəxsin fəaliyyəti praktikası başqa ölkələrdə də var. Lakin bunun Azərbaycanda yaradılan forması (funksional, həm də təşkilati-hüquqi baxımdan) bir sıra suallar doğurur. Bu barədə iqtisadçı Qubad İbadoğlu özünün Facebook səhifəsində prezidentin fərmanı ilə yeni Palatanın yaradılmasını şərh edərkən yazıb.
Onun fikrincə, bu cür strukturlar qeyri-kommersiya təşkilatları kimi fəaliyyət göstərir. Palatanın effektivliyini təmin etmək üçün bir çox qanunverici aktlara dəyişiklik edilməlidir.
Palata ilk növbədə qiymətli kağızlar bazarı iştirakçılarının, investisiya fondlarının, sığorta, kredit təşkilatlarının, o sıradan da bank, bank olmayan kredit təşkilatları və poçt rabitəsinin operatorlarının və ödəniş sistemlərinin reyestrinin yaradaraq onların fəaliyyətinin lisenziyalaşdırılması, tənzimlənməsi və nəzarətin həyata keçirilməsi ilə məşğul olacaq.
Öz növbəsində dövlət başçısının iqtisadi islahatlar üzrə köməkçisi məlumat verib ki, Palata öz fəaliyyətində beynəlxalq təcrübəyə əsaslanacaq.
Xatırladaq ki, Palatanın yaradılmasına dair fərmanda deyilir ki, qurum qiymətli kağızlar bazarı, investisiya fondları, sığorta, kredit təşkilatları (bank, bank olmayan kredit təşkilatları və poçt rabitəsinin operatoru) və ödəniş sistemləri fəaliyyətinin lisenziyalaşdırılması, tənzimlənməsi və nəzarəti, habelə cinayət yolu ilə əldə edilmiş pul vəsaitlərinin və ya digər əmlakın leqallaşdırılması və terrorçuluğun maliyyələşdirilməsinin qarşısının alınması sahəsində nəzarət sisteminin təkmilləşdirilməsini, həmçinin bu sahələr üzrə nəzarət sisteminin şəffaflığını və çevikliyini təmin etmək məqsədi ilə yaradılır. —06D-
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz