«Günəşli» yatağında itkin düşənlərin yaxınlarına psixoloji yardım davam edir

  Ötən ilin dekabrında “Günəşli”  platformasında baş vermiş qəzadan sonra xilas edilənlərə və itkin düşənlərin doğmalarına psixoloji yardım göstərilməsi davam edir.

Səhiyyə Nazirliyinin Psixi Sağlamlıq Mərkəzinin rəhbəri professor Fuad İsmayılov Turan-ın müxbirinə bildirib ki, hadisədən dərhal sonra Mərkəzin psixoloq və həkimlərindən ibarət 6 nəfərlik qrup yaradılıb. Qrup faciədən sonrakı ilk beş gündə Dövlət Neft Şirkətinin ofisində  fəaliyyət göstərib. Burada onlara əsasən itkin düşənlərin ailə üzvləri və yaxınlarından 22 nəfər müraciət edib.

Yaxınlarının taleyindən  məlumatsızlıq insanlarda sarsıntı yaşadıb. Bu insanlara  ardıcıl olaraq 5 gün tibbdə “7 mərhələli krizis müdaxilə” adlanan vasitələrlə yardım göstərilib.

Sonra SOCAR-ın təklifi ilə qrup öz işini Mərkəzin ofisində  davam etdirirb. Burda daha 6 nəfərə yardım edilib. Psixoliji yardımdan başqa psixoterapevtlər bir neçə nəfərə müalicə kursu da təyin ediblər. Qrup psixoliji yardımlarını davam etdirir. 

F.İsmayılovun sözlərinə görə, yardım göstərilən 28 nəfərin arasında uşaq və yeniyetmə olmayıb.

2015-ci il dekabrın 4-də “Günəşli” yatağındakı 10 saylı platformada yanğın baş verib. Platformadakı 33 nəfər xilas edilib, 11 nəfər  həlak olub. 19 neftçi itkin düşmüş sayılır.—06d--