Azərbaycan MDB ölkələri arasında Rusiyaya ən çox kənd təsərrüfatı məhsulu ixrac edən 3 ölkədən biridir. RBK portalının məlumatına görə, Türkiyəyə sanksiyalardan sonra Azərbaycan RF-ə ixracatı 4 dəfə artırıb. İlk iki yeri Belarus və Özbəkistan tutur.
İqtisadi Tədqiqatlar Mərkəzi aqrar departamentinin rəhbəri Vahid Məhərrəmov Turan-a bildirib ki, ixracatda alma, xiyar, pomidor liderdir.
Mütəxəssis Dövlətstatkoma istinadən bildirir ki, Azərbaycan hələ daxili tələbatı kənd təsərrüfatı məhsulu ilə təmin edə bilmir. I rübdə aqrar-sənaye idxalı artıb. Əslində Rusiyaya tərəvəz ixracı başqa ölkələrdən idxal qədərdir
Azərbaycan hər il Rusiyaya $200-300 mln məbləğində Rusiyaya kənd təsərrüfatı məhsulu ixrac edir. Bu il bu rəqəm xeyli artıqdır. Bu isə yerli aqrar-sənayenin imkanına uyğun deyil, deyə ekspert bildirir.
Onun sözlərinə görə, ölkə adambaşına normanı daxil istehsalla təmin edə bilmir. Ümumdünya Səhiyyə Təşkilatı adambaşına 140 kq tərəvəz və 110 kq meyvə istehlakı norması müəyyən edib. Azərbaycanda bu rəqəm 100 və 90-100 kq-dır.
SKMF xətti ilə güzəştli kreditlər də hələ kömək etmir. Iri aqrar təsərrüfatlara 25 istixana tikintisi üçün 77,8 mln manat ayrılıb. Bu, əlavə 36 min ton tərəvəz istehsalına imkan verir. --17D—
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz