Elektron sayqaclar bahalı həzzdir

Bu il Türkiyədən alınan kart ödənişi sistemi ilə olan və içməli suyun istifadə həcmlərini hesablayan su sayğaclarının orta qiyməti 0,4% azalaraq bir ədəd üçün 102,13 dollar olub. Hazırkı tariflərlə bir sayğacın qiyməti 436 m3 suya bərabərdir.

Dövlət Gömrük Komitəsinin məlumatına görə, bu ilin 9 ayı ərzində Türkiyədən smart kartla işləyən 118 546 su suölçən alınıb. Alınan malın ümumi dəyəri 12,1 mln dollardır. “MetLab Metroloji, Sistem və Bilişim Teknolojiləri İmalat Pazarlama İthalat İhracat Sənayi və Ticarət Limited” şirkəti öz korporativ saytında bəyan edir ki, 2013-cü ilin dekabr ayından “Azərsu” ASC üçün su ölçən cihazların təchizatı ilə bağlı sifarişlərin yerinə yetirilməsi ilə məşğuldur. Müqavilənin dəyəri və sifarişin həcmi barədə məlumat verilmir.

Türkiyədə belə cihazların istehsalı ilə çoxlu sayda şirkət məşğul olur. Onlardan biri, “Elektromed” şirkəti Ø 20 diametrli analoji cihazları 212 Tl yaxud 95,4 dollara təklif edir.

“Azərsu” ASC-nin məlumatına görə, bu ilin yanvar-sentyabr aylarında ölkədə 119 min smart-kart tipli suölçən quraşdırılıb, onların 112 mini əhali üçün quraşdırılıb.

Proses başlayandan (2012-ci il) 330 min abunəçi yeni elektron suölçənlə təmin edilib.

2014-cü ilin oktyabrın 1-ə su abunəçilərinin 55,6% (691723) suölçən cihazla təmin edilib. Halbuki  hökumət bu prosesi hələ 4 il əvvəl başa çatdırmağı planlaşdırırdı.

2013-cü ildə Türkiyədən borulardan gələn suyu ölçmək üçün 214 min cihaz alınıb, müqavilə tərəfləri bunu 21 mln 937 min dollara dəyərləndirib.

2011-ci ilin fevralın 1-dən əhaliyə verilən 1 м3 suyun tarifi böyük şəhərlər üçün 0,30 manat, digər regionlar üçün 0,25 manat təşkil edir. Suölçənlər onlar üçün pulsuz quraşdırılır. Istisna yalnız şəxsi mülklərində yaşayanlar, həmçinin kommersiya və digər qrup istehlakçılardır. 08B