![Elektron xidmətlərin təbliği ictimai şurası yaradılıb](https://turan.az/resized/./turan-750-500-resize.webp)
Elektron xidmətlərin təbliği ictimai şurası yaradılıb
Vətəndaşlara Xidmət və Sosial İnnovasiyalar Dövlət Agentliyi nəzdində Elektron Xidmətlərin Təbliği İctimai Şurası yaradılıb. Azərbaycan İnternet Forumun prezidenti Osman Gündüz qurumun rəhbəri seçilib.
Agentliyin rəhbəri İnam Kərimovun sözlərinə görə, ictimai şura ölkə prezidentinin 2012-2015-ci illər üçün açıq hökumətin təşviqi üzrə Milli Fəaliyyət Planı haqqında sərəncamına uyğun olaraq yaradılıb. “Vətəndaş cəmiyyəti heç vaxt olmadığı qədər güclüdür, buna görə onun təşəbbüsləri və iştirakı hökumət qurumlarının fəaliyyəti üçün vacibdir”, deyə o, qeyri-hökumət təşkilatlarının nümayəndələri ilə görüşdə bildirib.
Dövlət agentliyindən və İnternet Forumundan başqa ictimai şurada “Transparency Azerbaijan”, Korrupsiyaya qarşı Mübarizə Fondu, Sahibkarlığa və Bazar İqtisadiyyatının İnkişafına Yardım Fondu, Azərbaycan Hüquqşünaslar Konfederasiyası, Sahibkarlıq Təşkilatlarının Milli Konfederasiyası, “Hüquq və İnkişaf” İB, Vətəndaşların Əmək Hüquqlarının Müdafiə Liqası təmsil olunur.
İctimai Şura innovasiya xidmətlərinin əhalinin diqqətinə səmərəli şəkildə çatdırılması məqsədilə yaradılıb. Yaradılmış təşkilatın həm də dövlət qurumu və ictimaiyyət arasında körpü rolunu oynaması nəzərdə tutulur. -17D-
-
- İqtisadiyyat
- 6 Mart 2013 18:07
-
- Siyasət
- 6 Mart 2013 18:31
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz