Ərzaq idxalı 8,1% azalıb

Bu ilin 9 ayında Azərbaycana ərzaq idxalı 8,1% azalaraq $711,7 mln olub. İdxal həcminin azalması əsasən taxıl idxalının azalması ilə bağlıdır. 

2012-ci ilin yanvar-sentybarında idxal strukturunda ərzaq mallarının xüsusi çəkisi 10,5% olub, deyə Gömrük Komitəsində Turan-a bildiriblər. 

İlin əvvəlindən taxıl idxalı $173 mln olub. Bu, ötən ilin eyni dövründəkindən 12% azdır. Buğda unu idxalı da azalıb.Ötən ilin yanvar-sentybarında un idxalı $57,1 mln idisə, bu il $1,1 mln təşkil edib. 

Bu il ət idxalı (-14,5%), süd idxalı (-30,3%) da azalaraq $13,1 mln və $4,9 mln təşkil edib.

Bu il Azərbaycan idxal etdiyindən çox bitki yağı ixrac edib. Doqquz ayda bitki yağı idxalı $111 mln, ixracı $144,4 mln olub. Bitki yağı bazarının operatoru “Azersun Holding” şirkətidir. Bu şirkət şəkər bazarında da inhisarçıdır. Doqquz ayda ölkəyə $119,7 mln məbləğində şəkər idxal edilib. Bu, 2011-ci ilin eyni dövründəkindən 54,7% çoxdur. 08D

 

Rəy yaz

İqtisadiyyat

Bizi sosial şəbəkələrdə izləyin

Xəbər lenti