![Əsas kapitala investisiyalar 28% artıb](https://turan.az/resized/./turan-750-500-resize.webp)
Əsas kapitala investisiyalar 28% artıb
2012-ci ildə Azərbaycanda tikinti fəaliyyətinə investisiyalar 15,3 mlrd. manat təşkil edib ki, bu da 2011-ci ilin göstəricisindən 18% çoxdur. Məlumatı Dövlət Statistika Komitəsi yayıb.
2012-ci ildə tikinti kompleksində işlərin maliyyələşdirilməsi üçün daxili mənbələrin xüsusi çəkisi 78,8% təşkil edib. Dövlət sektorunun, o cümlədən dövlət büdcəsinin payına investisiyaların 59,3%- düşüb.
Ötən il ümumi sahəsi 1 757 min kv. metr yaşayış yeri istismara verilib.
İl ərzində bir neçə mehmanxana (“Qafqaz Baku City Hotel and Rezidences”, “JW Marriott Absheron”, “Four Seasons”, “Shaki Palace”, “Zirve”, “Qaya”, “Ayan Palace”), idman qurğuları
(“Baku Crystal Hall”, Astara və Cəlilabad rayonlarında olimpiya kompleksləri), şahmat məktəbləri, kiçik HES-lər, sənaye müəssisələri istismara verilib.
DSK-nın məlumatına görə, 2012-ci ildə 15 çarpayılıq xəstəxana, 1000-ə yaxın xəstəni qəbul edəcək ambulator-poliklinika müəssisəsi, 47 468 şagirdlik məktəblər, 1115 yerlik məktəbəqədər müəssisə istismara verilib.
Ötən gün iqtisadi inkişaf naziri Şahin Mustafayev hökumətin iclasında bildirib ki, 2012-ci ildə 268 məktəb, 62 uşaq bağçası, 40 səhiyyə obyekti və 20 mədəniyyət obyekti tikilib və əsaslı təmir olunub. 420 sosial-mədəni obyektin inşası və təmiri davam edir. 08D
-
- İqtisadiyyat
- 16 Yanvar 2013 14:33
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz