![Rusiya casusları NATO və Avropa İttifaqının Azərbaycanla bağlı planları barədə məlumat veriblər](https://turan.az/resized/media/2013/main/011600024778-750-500-resize.webp)
Rusiya casusları NATO və Avropa İttifaqının Azərbaycanla bağlı planları barədə məlumat veriblər
Almaniyanın Ştutgard şəhərində Rusiya xeyrinə casusluqda ittiham olunan ər-arvadın işi üzrə məhkəmə başlayıb. Onlar Almaniyada hələ ötən əsrin 80-ci illərindən qanunsuz kəşfiyyatçı kimi casusluq ediblər. Onlar Avstriyalı Andreas və Haydrun Anşlaq adına saxta sənədlərlə Almaniyaya gəliblər
Bu cüt 20 il sovet, sonradan isə Rusiya hakimiyyətinə NATO və Avropa İttifaqının fəaliyyəti haqqında məxfi məlumatları ötürür, habelə Rusiya Xarici Kəşfiyyat Xidmətinə Almaniyanın siyasət və müdafiə məsələləri ilə bağlı məsləhətlər verirdilər.
2009-cu ildə Anşlaq almaniyalı diplomat Raymond Valentino Puterayı cəlb edərək, ondan NATO və Aİ-nin sənədlərini alıb. Casusa əməkdaşlığa görə guya ümumilikdə 72 min avro pul ödənilib. İstintaqın məlumatına görə, bu məlumat Avropada RƏM sisteminə, alyansın Kosovo, Əfqanıstan və Liviyadakı münaqişələrdə iştirakına, NATO və Aİ-nin Gürcüstan və Azərbaycanla bağlı siyasətinə aid idi.
Almaniya əks-kəşfiyyatının Anşlaq ailəsindən 2011-ci ilin avqust ayında Amerika xüsusi xidmətlərinin işarəsi ilə xəbəri olub.
Qanunsuz kəşfiyyatçıların Almaniya ərazisinə o vaxt KQB əməkdaşı, hazırda isə Rusiya prezidenti olan Vladimir Putinin orada Drezden SSRİ-ADR Dostluq Evinin direktoru vəzifəsində işlədiyi zaman daxil olması diqqət çəkir.
Casuslar 10 il azadlıqdan məhrumetmə cəzasına məhkum edilə bilərlər. -02D-
-
- İqtisadiyyat
- 16 Yanvar 2013 14:43
-
- Siyasət
- 16 Yanvar 2013 15:10
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz