2015-ci il yanvarın 1-i üçün banklar və bank olmayan kredit təşkilatları tərəfindən Azərbaycan iqtisadiyyatına kredit qoyuluşları 18 mlrd 542,6 mln manat təşkil edib (il ərzində +20,2%).
Mərkəzi Bankdan (AMB) verilən məlumata görə, vaxtı keçmiş kredit qoyuluşlarının həcmi 976,3 mln manatdır (artım 23,1%). Dövlətin paya malik olduğu banklar tərəfindən 6 mlrd 143,8 mln manat (artım 15,9%) və ya bütün kreditlərin 33,1%-i, özəl banklar tərəfindən 11 mlrd 873,6 mln. manat (artım 22,5%) və ya bütün kreditlərin 64%-i verilib. Qalan 2,9% bank olmayan kredit təşkilatlarının payına düşür.
Milli valyuta ilə kreditlər 13 mlrd 505,6 mln manat (+22%), xarici valyuta ilə kreditlər 5 mlrd 37 mln manat (+15,9%) olub.
Kreditlərin 7 mlrd 731,8 mln manatı ev təsərrüfatlarının (44%), 2 mlrd 680,7 mln manat (14,5%) ticarət və xidmət sahələrinin, 2 mlrd 555,1 mln manat (13,8%) tikinti və daşınmaz əmlak sahələrinin, 2 mlrd 27,8 mln manat (10,9%) sənaye və istehsal sektorunun payına düşüb. Energetika, kimya və təbii ehtiyatlar sektoruna 195,8 mln manat (1,1%), kənd təsərrüfatı və emal sahələrinə 847,3 mln manat (4,6%), nəqliyyat və rabitəyə 736 mln manat ayrılıb (4%).--17D—
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz