![Münhen Konfransında dünya intizamının pozulması müzakirə olunacaq](https://turan.az/resized/media/2015/main/020600105537-750-500-resize.webp)
Münhen Konfransında dünya intizamının pozulması müzakirə olunacaq
Cümə günü Almaniyada 51-ci İllik Münhen Təhlükəsizlik Konfransı açılır. Konfransın saytında yer alan məlumata görə, tədbirdə müzakirə olunacaq əsas mövzular Ukraynadakı böhranla əlaqədar beynəlxalq intizamın pozulması və bunun Avropa təhlükəsizlik memarlığı üçün nəticələri, habelə Yaxın Şərqdəki vəziyyət olacaq. Qloban qaçqın böhranı və terrorizmə qarşı mübarizə də gündəliyin əsas məsələləri arasında olacaq.
Fevralın 6-8-də keçiriləcək konfransda 20-yə yaxın dövlət və hökumət başçısı, 60-a yaxın xarici işlər və müdafiə naziri, 30 böyük beynəlxalq təşkilat və şirkətin rəhbəri iştirak edir.
Azərbaycan prezidenti İlham Əliyev fevralın 5-də bu forumda iştirak etmək üçün Bavariyaya gedib.
Konfrans ərəfəsində AFR, Fransa, Rusiya və Ukrayna rəhbərləri səviyyəsində Ukrayna böhranının tənzimlənməsi yollarının işlənib hazırlanması üzrə məsləhətləşmələr keçirilir, onların ilk nəticələrini Münhendə eşitmək olar.
Der Tagesspiegel nəşrinin jurnalistləri ilə söhbətində Münhen Təhlükəsizlik Konfransının rəhbəri, alman deputat Volfqanq İşinger bir çox müasir münaqişələrin səbəblərinin dünyada təhlükəsizlik və intizama görə cavabdeh olan müasir beynəlxalq orqanların səmərəli işləmək iqtidarında olmamasındadır.
Diplomatın fikrincə, BMT Təhlükəsizlik Şurasında islahatlar aparılmalıdır, belə ki, hazırki vəziyyətdə TŞ üzvləri konstruktiv işləmək iqtidarında deyil.
“Hazırda dünya intizamı dağılır. Məsələn, 2014-cü ildə dünyada iki yeni böyük münaqişə yarandı: İraqda və Ukraynada. İndi qlobal idarəetmə məsələsi heç vaxt olmadığı qədər aktualdır: BMT TŞ hər həftə bu münaqişələrin həlli ilə məşğul olmalı idi. Amma o, bağlandı”, deyə RİA Novosti İşingerdən sitat gətirir.
Münhen Təhlükəsizlik Konfransı 1962-ci ildən etibarən hər il fevralın ilk ongünlüyündə keçirilir və Almaniya hökuməti tərəfindən maliyyələşdirilir. -0-
-
- Cəmiyyət
- 6 Fevral 2015 14:15
-
- İqtisadiyyat
- 6 Fevral 2015 14:33
Dünyada
-
PARİS, 26 iyul (Reuters) – Fransanın prezidenti Emmanuel Makron cümə günü idmançıların Sen boyunca alqışlandığı, rəqqasların Parisin damlarına çıxdığı və Ledi Qaqanın Fransız kabare mahnısını oxuduğu yağışlı mərasimdən sonra Olimpiya Oyunlarını açıq elan etdi.
-
Olimpiadanın açılışına bir neçə saat qalmış Fransanın dəmir yolu şəbəkəsində diversiya olub. Böyük miqyaslı fasilələr 800 min sərnişinə təsir edir, Londondan Parisə Eurostar qatarlarında səyahət vaxtı artacaq.
-
Trampın Ukraynaya Amerika silahlarını almaq üçün lazım olan qədər pul vermək və onların istifadəsinə qoyulan bütün məhdudiyyətləri aradan qaldırmaq imkanı olacaq, Pompeo xəbərdarlıq edib. Moskva Qərbin bu cür hərəkətlərinə cavab vəd edib.
-
Cümə axşamı Filippin sahillərində sənaye yanacağı daşıyan dəniz tankeri batması bir ekipaj üzvünün ölməsinə və neftin dağılmasına səbəb olub, neft paytaxt Manila yaxınlarında sulara yayıla bilər, bu barədə rəsmi şəxslər məlumat verib.
Rəy yaz