FAO ərzaq idxalının məcmu dünya qiymətinin azalamsını proqnozlaşdırır

  BMT-nin ərzaq və kənd təsərrüfatı təşkilatı (FAO) qeyd edir ki, apreldə kənd təsərrüfatı mallarının qiyməti düşüb, böyük ehtiyatlar bu il gözlənilən məhsulun azalması zamanı qiymətlərə təzyiqi kompensasiya edəcək.

FAO-nun proqnozuna görə, taxıl istehsalı ötən ilə nisbətən 1,5% azalacaq. Səbəb qarğıdalı sahələrinin azaldılmasıdır.

FAO bəyan edir ki, normal iqlim şəraiti qalsa, 2015-ci ildə kənd təsərrüfatı istehsalının həcmi 2 509 mln ton olacaq. Bu, son 5 ilin orta göstəricisindən 5% çoxdur. FAO-nun 2015-2016-cı illər üzrə istehlak və istehsala dair ilkin proqnozuna görə, taxıl ehtiyatları mövsümün əvvəlindəki rekord səviyyə ilə müqayisədə 3% azalacaq, eyni zamanda yem taxılı və düyü sürətlə, buğda istehsalı isə yavaş templə azalacaq.
 Məruzədə deyilir ki, «2015-ci ildə dünyada qiymətin ucuzlaşması, ucuz kirələmə dərəcəsi və güclü dollar hesabına ərzaq idxalının məcmu dünya qityyməti 5 illik minimuma düşəcək». Müxtəlif ərzaq mallarının idxal həcmi az dəyişib, hətta artıb. Az gəlirli ölkələr bundan xeyir görəcək.

Apreldə FAO-nun ərzaq qiyməti indeksi 171 bənd olub. Bu, martdakından 1,2%, 2014-cü ilin aprelindəkindən 19,2% azdır. İndeks 2010-cu ilin iyunundan ən aşağı səviyyədə olub.

FAO-nun ərzaq qiyməti indeksi ay ərzində ərzaq xammal səbətinin dəyişmə göstəricisdir. O, beş qrup mal əsasında hesablanır: taxıl, ət, qənd, bitki yağları və süd məhsulları

Ərzağın dünya qiyməti, yəqin, böyük ehtiyatlar və güclü ABŞ dolları hesabına azalacaq. «Ərzaq proqnozu»nda qeyd edilir ki, «valyuta məzənnələrinin dəyişməsi və makroiqtisadi dəyişikliklər əvvəlkitək 2015-16-ci illərdə bazara təsir edəcək».

Bir neçə il sabit məhsul sayəsində ərzaq malları ehtiyatları artıb. Ona görə taxıl istehsalının azalması istehlak ərzağında əksini tapmayacaq.

2015-ci ildə süd məhsulları 2% artacaq. Ucuzlaşma Afrikada idxalı artıracaq. Aİ-nin süd kvotasını ləğv etməsi, yəqin, istehsalı artıracaq və o, martla müqayisədə süd məhsullarının qiymət indeksinin 6,7% düşməsinin səbəblərindən biridir.

Gözlənildiyi kimi, şəkər istehsalı əhəmiyyətsiz dərəcə artacaq, buna səbəb Hindistanda, Avropa Birliyində və Avstraliyada istehsalın artması və ardıcıl beş mövsümdür istehlakı üstələməsidir.

FAO-nun məlumatına görə, soyanın bol məhsulu sayəsində bitki yağları istehsalında ümumi göstərici 2014/15-ci illərdə 5,7% artıb, bu da bioyanacaq sektoru tərəfindən tələbatın azalması ilə bağlı olaraq uzən qiymətlərlə və bol ehtiyatların olması ilə əlaqədar qarşıdakı mövsümdə istehsalın azalmasına gətirib çıxara bilər.

Gələn il dünyada mal əti istehsalı cəmi 0.2% artacaq, ümumi ət istehsalı isə 1,3% artacaq.

Balıq dünya qida rasionunda daha əhəmiyyətli yer tutur, bu da balıq istehsalı sahəsində artımla müşahidə olunur, gələn il gözlənildiyi kimi, bu sahədə istehsal  5 faiz artacaq. Həmçinin ötən ilki defisitdən sonra El-Ninyo hava şəraiti ilə əlaqədar olaraq balıqçılıq sektorunda bərpa göslənilir, bu ovun, o cümlədən akvarium canlıları üçün yemin sürətlə artımına səbəb olacaq.

Ərzaq proqnozuna həmçinin qiymətlərin dəyişilməsinə dair xüsusi icmal daxildir -0—