Dövlət başçısı İlham Əliyevin bu ilin I yarısında 55 min yeni iş yerlərinin açılması, onların 45 mininin daimi olması barədə dedikləri 2012-ci ildən 2013-cü ilin mayına kimi muzdlu işçilərin sayı barədə statistik məlumatlarla uyğun gəlmir. Bu dövrdə əmək müqaviləsi ilə işə qəbul edilənlərin sayı 700 nəfər azalıb.
Dövlətstatkomun yaydığı məlumata görə, 2013-cü il iyunun 1-i vəziyyətinə ölkə iqtisadiyyatında muzdla çalışan işçilərin sayı 1480,0 min nəfər olub. Bu, 2012-ci ildəkindən 700 nəfər azdır.
Dövlət başçısı İlham Əliyev 18 iyulda Nazirlər Kabinetinin iclasında bildirib ki, hakimiyyəti dövründə ölkədə 1 180 min yeni iş yeri açılıb. Statistik məlumatlara görə, bu dövrdə 253,4 min nəfər işə düzəlib muzdla işləyir. Görünür, qalan 926,6 min nəfər hüquqi şəxs yaratmadan sahibkarlıq fəaliyyəti ilə məşğul olanlar, müvəqqəti və mövsümi işçilərdir. Vergilər Nazirliyinin məlumatına görə, ölkədə 448 min nəfər hüquqi şəxs yaratmadan sahibkarlıq fəaliyyəti ilə məşğul olur. Hətta bu rəsmi rəqəmlər də göstərir ki, 10 il ərzində açılan iş yerləri barədə məlumat, yumşaq desək, şişirdilib. 08D
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz