Fransa Azərbaycan şirkətlərini investisiya qoyuluşuna çağırır
“Biz Azərbaycan şirkətlərinin Fransa iqtisadiyyatın investisiya qoymasında maraqlıyıq”, - Fransanın Azərbaycandakı səfiri Aureliya Buşez “Fransada investisiya ayı”na həsr olunan mətbuat-konfransında bildirib.
Turan-ın məlumatına görə, səfir qeyd edib ki, Azərbaycanla Fransa və ayrı-ayrı şirkətlər arasında münasibətlərin yüksək səviyyədə olması investorlar üçün yaxşı zəmin yaradır.
O deyib ki, Fransaya investisiya qoymaqla şirkətlər Avropa İttifaqı bazarlarına çıxış əldə edirlər.
“Azərbaycan şirkətlərinin Fransaya investisiya qoyuluşu Azərbaycan iqtisadiyyatının differensasiyasına da yardım edər. Fransa iqtisadiyyatına investisiya qoyan şirkətlər Fransada müxtəlif sahələrdə yeni texnologiyalardan istifadə etməklə bunu Azərbaycanda da tətbiq edə bilər”, - A.Buşez vurğulayıb.
İnvestisiya layihələri üzrə direktor, Fransanın ticarət və investisiyalar üzrə təmsilçisi Jerom Klozen deyib ki, Fransa iqtisadiyyatın bütün sahələrində, xüsusilə daşınmaz əmlak, kənd təsərrüfatı, restoran biznesi, turizm, informasiya texnologiyaları sahələrində investisiya üçün cəlbedicidir.
O bildirib ki, Azərbaycanın iki şirkəti Fransa iqtisadiyyatına investisiya qoyub. O, şirkətlərin adlarını açıqlamayaraq deyib ki, bir şirkət daşınmaz əmlak, digəri isə maliyyə sahəsinə investisiya qoyub.
“Bununla yanaşı Londonda fəaliyyət göstərən Azərbaycan şirkətləri də var. Lakin Brexit məsələsindən sonra bu şirkətlər Aİ məkanında fəaliyyət göstərə bilməz. Biz onlara Fransaya gəlməyi təklif edirik”, - o vurğulayıb.
Mətbuat konfransında bildirilib ki, iqtisadiyyatın həcminə görə Fransa dünyada 6-cıdır, Fransa bazarı isə Avropada ikincidir. Bununla yanaşı Fransa birbaşa xarici investisiyalar üzrə dünyada 7-ci yeri tutur. Fransa ixracının 32%-i ölkədə çalışan xarici şirkətlərin payına düşür. 71D
-
- Cəmiyyət
- 4 Noyabr 2016 13:52
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz