![Gələcək pensiyanı öyrən](https://turan.az/resized/./turan-750-500-resize.webp)
Gələcək pensiyanı öyrən
Bu gündən Azərbaycanın 11 min 730 vətəndaşı yığılan fərdi pensiya kapitalı əsasında təyin edilən pensiyasını avtomatik öyrənə bilər. Yaxın gələcəkdə bu, elektron imzası olan hər kəsə mümkün olacaq.
Dövlət Sosial Müdafiə Fondu “Elektron hökumət” saytında yerləşdirilən fərdi hesablara toplanan pensiya kapitalı barədə informasiyanı əks etdirən elektron xidməti təqdim edib (http://ehdis.az/infoportal/dispatcher?page=cats&actp=mp0&fk_pr=0bgv69f4uo102g&fk_cn=0bh3ir9zny102c&lang=az&org_oid). Xidmətdən yararlanmaq üçün ilk vaxtlar elektron imza tələb olunurdusa, hazırda bu tələb aradan qaldırılıb və istifadə qaydaları daha da sadələşdirilib. Hər bir vətəndaş sadəcə olaraq özü haqqında müvafiq bilgiləri daxil etməklə bu elektron xidmətin daimi istifadəçisinə çevrilə bilər. Perspektivdə pensiya islahatına qədər edilən bütün yığımlar sistemdə əksini tapacaq. Beləliklə, bütün pensiyaçılar və işləyən vətəndaşlar onun potensial istifadəçisidir.
DSMF-nin məlumatına görə, KÖMİS-də fondun 36 yerli orqanı üzrə 223 min 712 sığortaçı barədə (işəgötürən, özəl sahibkar və torpaq sahibi) məlumat var.
DSMF-nin saytının «elektron xidmət” bölməsində 20 xidmət var. Gələn il onların sayı 25-ə çatacaq.
Fondun rəhbərliyinin fikrincə, işəgötürənlər artdıqca Fonda mədaxil də artacaq. Gələn il üçün büdcə 2,63 mlrd planlaşdırılıb. 2014-cü ildə o, 3,02, 2015-ci ildə 3,3, 2016-cı ildə 3,6 mlrd manat olacaq. Orta müddətli perspektivdə DSMF-nin gəlirləri və xərcləri arasında nisbət gözləniləcək. --17D—
-
- Sual-cavab
- 27 Noyabr 2012 14:56
-
- Siyasət
- 27 Noyabr 2012 15:24
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz