Rafiq Tağının işində hakimiyyətin fəaliyyətsizliyi onların nüfuzunu sarsıdır

Azərbaycanın hüquq-mühafizə orqanları hər il açılan cinayətlərin yüksək faizləri haqqında məruzələr verir, lakin jurnalistlərə qarşı törədilmiş ağır cinayətlərin heç biri hələ də açılmayıb. Xoşagəlməz jurnalistlərin təqibi acınacaqlı ənənəyə çevrilib, deyə jurnalist Xədicə İsmayılova obyektiv.tv-yə müsahibəsində bildirib.

Qətlə yetirilmiş publisist Rafiq Tağının qardaşı İlqar Tağı da onunla eyni fikirdədir. O, qardaşının işi üzrə istintaqı formal hesab edir.

Hətta Rafiq Tağının xəstəxanada vəfat etməsi ilə nəticələnən səhlənkarlığa yol verən həkimlər belə məsuliyyətə cəlb edilməyiblər. Mərhum özü həkim idi və ölümündən əvvəl onu müalicə edən həkimə vəziyyətinin ağır olduğunu deyirdi. Həkim isə buna cavabda onun “deyinməməsini və səhərə qədər səbr etməsini” tələb edirdi. Rafiqin ölümündən 15 dəqiqə əvvəl ona iynə vurublar, bundan sonra o, vəfat edib.

Tağıya qarşı hücumun araşdırılmasına gəlincə, basqın yerində videokameralar quraşdırılıb, lakin onların nə qeydə aldığını heç kim bilmir.

“Rafiqin ailəsinə şahid ifadələrindən ibarət ağır cildlər göstərirlər. Bu zaman heç bir mənalı versiya, heç bir şübhəli şəxs yoxdur ki, bu da fərqli fikirlərə əsas verir. Bu halda şəxsən mən qardaşımın aradan qaldırılmasında ölkə siyasi hakimiyyətinin maraqlı olması versiyasını təkzib etmirəm”, deyə İlqar Tağı qeyd edib. O hesab edir ki, ədaləti Avropa İnsan Hüquqları Məhkəməsində axtarmaq lazımdır.

Xədicə İsmayılovanın fikrincə, Rafiq Tağının ölümü İranın klerikal rejiminin marağında ola bilərdi. Eyni zamanda, Azərbaycan hakimiyyəti Azərbaycanda regional radikalizmin nə dərəcədə təhlükəli olduğunu Qərbə göstərmək üçün bundan istifadə edə bilərdilər.

Əsas odur ki, qətlin məqsədi ifadə azadlığının pozulması olub. Elmar Hüseynovun ölümündən sonra uzun müddət samosenzura dövrü başlayıb, jurnalistlər bir çox mövzulara yazmaqdan qorxurdular.

Tağının ölümündən sonra müəlliflər dinin tənqidi ilə bağlı fikirlərini ciddi şəkildə senzuraya məruz qoyurlar. Onlar İranda ayətullahların qətlə nə qədər sevindiyini, bu münasibətlə müsəlmanları təbrik etdiklərini xatırlayırlar.

Siyasi hakimiyyətin müdrüklüyü fərqli düşünənlərə qarşı dözümlülükdədir. İnternetin inkişaf etdiyi dünyada jurnalistlərin “ağzını yummaq” cəhdləri uğursuzluğa məhkumdur. İzləmə sistemlərinə milyonlar xərcləmək yerinə hakimiyyət demokratiyanı inkişaf etdirməli, islahatlar aparmalıdır ki, insanların real seçim hüququ olsun, iqtisadiyyat inkişaf etsin, sistemli korrupsiyanın isə kökü kəsilsin, İsmayılova belə hesab edir. -17D-

 

Rəy yaz

Sual-cavab

Navalnının ölümü dünyada hansı daşları tərpədəcək? – Rauf Mirqədirov Çətin sualda



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti