Gips korrupsiyası

2015-ci ilin I yarısında Azərbaycandan 36 920 ton gips ixrac edilib. Bu, ötən ilin eyni dövründəkindən 40,9% azdır. Bu barədə Gömrük Komitəsi məlumat verir. Eyni rəqəmləri böyük qeyd-şərtlə Azərbaycan gipsinin hamısını alan Gürcüstanın Milli Statistika İdarəsi də verir.

Azərbaycanın rəsmi məlumatına görə, xaricə gips satışından gəlir $566,58 min olub. Gürcüstan tərəfi Azərbaycandan $5 mln 101,2 min (http://goo.gl/LHRvRp) məbləğində gips idxalı qeydə alıb. Gürcüstan bildirir ki, iyulda Azərbaycandan $1 mln 378 min məbləğində gips tədarük edilib.

Məsələ burasındadır ki, Azərbaycan gömrüyündə 1 ton gips $15,3-a ,Gürcüstanda 9 dəfə baha - 138,16-a sənədləşdirilir. Ötən ilin I yarısında Azərbaycan gipsi Gürcüstana 170$/t-a satılıb.

Turan İA dəfələrlə bu dəhşətli korrupsiya faktları və iri məbləğdə vergidən yayınmaq üçün ikiqat mühasibat barədə dəfələrlə yazıb. Amma hüquq mühafizə orqanları susur.

Qeyd edək ki, Azərbaycan İran (860,3 ton) və Türkiyədən (6,6 ton) gips alıb. Bir ton idxal gipsi 52,9$/t-a sənədləşdirilir. Bu, ötən ilin I rübündəkindən 3 dəfə bahadır.

“Gilan TN” şirkəti (“Gilan Holding” qrupuna daxildir) (http://goo.gl/blOlJI) Goranboyda 300 min ton gips idthsal etdiyini bildirir.

Digər gips istehsalçıları “Azbentonit” MMC (“Garant Holding” qrupu), “Avangard-N” MMC-dir (“Matanat A” şirkətinin törəməsi). “Matanat A” qrupunun ictimaiyyətlə əlaqələr sektorunda Turan-a deyiblər ki, son illər Gürcüstana gips ixrac etməyiblər.

2015-ci ilin I yarısında Azərbaycanda gips istehsalı 1,3% artaraq 92,2 min tona çatıb, deyə Dövlətstatkom bildirir.

Gömrük Komitəsi məlumatına görə, 2014-cü ildə Azərbaycandan 157,8 min ton gips ixrac edilib. Bu, 2013-cü ildəkindən 22,7% çoxdur. 08B