"AzSığorta" şirkətində icbari növlər üzrə artım onunla nəticələnib ki, ilk dəfə o, 23 mln 215,32 min manatla könüllü növləri kölgədə qoyub. İcbari növlər üzrə inişilki (20 mln 787,63 min manat) ümumi mükafatlardan çox vəsait yığılıb.
Şirkətdə könüllü növlər üzrə lider adətən yük sığortası olur - 10 mln 091,45 min manat. Bu, 16 mln 641,79 min manat olan könüllü mükafatların 60,8%-dir. İkinci yerdə avtomobillərin КАСКО sığortası gəlir - 1 mln 975,66 min manat. Əmlakın yanğından və başqa risklərdən sığortası 1 mln 693,21 min manatla (inişilkindən 3 mln az) üçüncüdür. İnişilki ilə müqayisədə "gümüş" və "bürünc" yerini dəyişib. Hava nəqliyyatının sığortası - 797,04 min manat və ümumi mülki məsuliyyətin sığortası üzrə göstərici (372,93 min manat) pis deyil.
Könüllü tibbi sığorta və bədbəxt hadisə və xəstəliklərdən sığorta şirkətə 1 mln 237,95 min manat və 283,63 min manat gətirib. Su nəqliyyatının КАСКО sığortası üzrə 66,27 min manat, xaricə səyahət sığortası üzrə 16,68 min manat yığılıb.
Hava nəqliyyatı vasitələri sahiblərinin mülki məsuliyyətinin sığortası 42,79 min manat, avtonəqliyyat vasitələri sahiblərinin mülki məsuliyyətinin sığortası 36,41 min manat mükafat gətirib.
İcbari növlər (23 mln 215,32 min manat) mükafatların 58,1%-i qədər olub. Daha çox mükafat avtonəqliyyat vasitələri sahiblərinin mülki məsuliyyətinin icbari sığortası üzrədir - 19 mln 390,47 min manat. Bu, onu göstərir ki, İcbari Sığorta Bürosunun başqa üzvləri (kiçik istisna ilə) FHN rəhbərinin strukturu ilə ayaqlaşa bilmir.
Şirkətin ödənişləri 3 mln 656,54 min manat təşkil edib. Bunun 1 mln 794,76 min manatı icbari növlər üzrədir. 2010-cu ildə müştərilərə 1 mln 978,38 min manat ödənilmişdi.
«AzSığorta» 2006-cı ilin noyabrında MMC kimi fəaliyyətə başlayıb. Səhmdarı bir fiziki şəxsdir. Şirkət müştərilərə 28 sığorta növü üzrə xidmət göstərir. Bunun 4-ü icbari növdür. Regiolarda 6 filialı var. Şirkətin nizamnamə kapitalı 19,86 mln manatdır. Ötən il mükafatları 39,86 mln manat, ödənişləri 3,66 mln manat olub. --17D-
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz