Sahibkarlığa Kömək Milli Fondu (SKMF) 2016-cı ildə kreditləşmə sahəsində fəaliyyətinə dair hesabatını açıqlayıb. Hesabata əsasən, güzəştli kreditləşmədə iri layihələrin payı 7,9% artıb.
2016-cı ildə Fondun vəsaiti hesabına 2.477 min layihə maliyyələşdirilib. Müvəkkil kredit təşkilatları vasitəsilə sahibkarlara 189 mln 420,1 min manat məbləğində güzəştli kredit verilib. Bu, əvvəlki ildəkindən 59 mln manat və ya 23,8% azdır.
Əvvəlki ildə olduğu kimi, kreditlərin çoxu kənd təsərrüfatı istehsalına ayrılıb – 120,8 mln manat. SKMF-nin portfelində kənd təsərrüfatı layihələrinin (2336) xüsusi çəkisi 94%-i keçib.
Kənd təsərrüfatı emalı üzrə 22,5 mln manat məbləğində 12 layihə maliyyələşdirilib. Eləcə də sənaye məhsullarının istehsalı və emalı sahəsində 121 layihəyə 32 mln 506,3 min manat vəsait ayrılıb.
SKMF-nin məlumatında deyilir ki, 2016-cı ildə 157 mln 652 min manat ümumi məbləğdə 41 xüsusi iri kredit verilib. Həcmi 10 mln manata çatan layihələr iri hesab edilir. Onların ödənilməsi 10 ilədək çəkə bilər. л 08D
İqtisadiyyat
-
Azərbaycan Prezidenti İlham Əliyev 1 yanvar 2025-ci ildən etibarən əmək pensiyalarının indeksləşdirilməsi ilə pensiyaçıların sosial müdafiəsinin gücləndirilməsi məqsədilə sərəncam imzalayıb.
-
İtaliya hökuməti, bir sıra strateji aktivlərin satışı üzrə beynəlxalq tenderdə müraciətlərin qəbulunu 14 fevral tarixinə qədər uzatdığını açıqlayaraq, Azərbaycanın namizədinin hələ də favoritlər arasında olduğunu təsdiqləyib.
-
İqtisadi Araşdırmalar Mərkəzinin İdarə Heyətinin sədri Qalib Toğrulun araşdırması, Azərbaycan rayonları Ağdam, Füzuli və Xocavənddə bərpa layihələri ilə bağlı büdcə xərclərinə diqqət yetirir. Araşdırmada Ermənistan işğalından azad edilmiş ərazilərdə həyata keçirilən dövlət sifarişli tikinti və infrastruktur layihələri araşdırılıb.
-
Azərbaycanın iqtisadiyyat naziri Mikayıl Cabbarov fevralın 4-də Beynəlxalq Valyuta Fondunun (BVF) Azərbaycandakı missiyasının rəhbəri Anna Bordo başda olmaqla BVF nümayəndə heyəti ilə görüş keçirib. Görüşdə iqtisadi əməkdaşlıq, maliyyə sektorundakı çətinliklər və struktur islahatları müzakirə edilib, nazirlik bildirib.
Rəy yaz